It(em) de vors(creven) p(re)laet van p(er)cke inde(n) name des vorscr(even)/ goidsh(uys) ter eenre en(de) henric vanden velde nu tertijt/ drossete van rotselair h ter ande(re) in p(rese)ncia hebben/ malcande(re)n oppenbairlic malcande(re)n quijtgescouwe(n) ende/ volcomelic gequiteert van al tgene des zij deen de(n) and(ere)n/ eysscen(de) soude(n) moig(en) sijn oft opleggen(de) van et thienden/ rep(ar)acien oft and(er)s ten ocsuyne van dat arnd wile(n) vand(en)/ velde des vors(creven) henrix vaders tegen tvors(creven) godshuys/ nam en(de) tselve goidsh(uys) aende(n) selve(n) wile(n) arnde bestaeyde/ des vors(creven) goidshuyse goede te jairschare(n) Te wete(n) thof van/ veldonc mett(er) thiende(n) van veldonc werchte(r) d(aer) af de selve/ jairschare uutghinc des lede(n) moige(n) sijn negen jair oft/ d(aer) omtri(n)t mits v(er)eeni(n)gen die tusscen den vors(creven) abt van/ des vors(creven) goidshuys weg(en) ende den vors(creven) henricke toege/ gaen en(de) geslote(n) es In welk(er) v(er)eeni(n)g(en) de selve abt/ hem van g(raci)en en(de) in recompensen van seke(re)n gebreke(n)/ die hij seyde te hebben grote so(m)men va(n) pe(n)ning(en) heeft quijt/ gescouwen Kynnen(de) hen van malcande(re)n in allen desen/ en(de) al des desen aencleve(n) mach volcomelic genoech/ gedaen te sijne Geloven(de) uut saken der vors(creven) pechting(en)
//
oft e(n)nigen pointe(n) die d(aer) aen cleve(n) mochte(n) ne(m)mermeer malcand(ere)n/ voirtmeer aente sprek(en) in gheene(n) rechte gheestelic noch weerlic/ in gheenre wijs mair van deser quitan(cien) elc den ande(re)n warant/ te sijne en(de) te blive(n) tege(n) eene(n)yegelik(en) Behalve(n) dat deser quitan(cien)/ nyet tegenstaen(de) tvors(creven) goidshuys blijft op sijn beloep van rechte/ van dien scepen(en) brieve van loeven(en) spreken(de) van eene(n) saluyte/ erflic t(er) quiti(n)g(en) die de vors(creven) henric vanden velde tanderen/ tide(n) den vors(creven) goidsh(uys) bekint heeft alsoe wel vande(n) pachte/ van dien alse vande(n) p(ri)ncipale(n) cor(am) eisd(em)