Uuyt dien dat willem vander strate(n) alhier inde stad geco(m)mert/ ende gherasteert heeft seke(r) haeflijcke goede toebehoiren(de)/ gielijse le(m)mens molde(r) voir iii l(i)b(ra) eene(n) s(cellinc) ii d(eniere) en(de) xv/ miten brabant xxi sacke ende iiii siste(r) rox en(de) iiii sacke/ ende iiii sister tarwe(n) vilvoersche mate(n) die hem de/ selve gielijs belanck is ende de selve willem met/ rechte de voirs(creven) goede soe verre ghevolcht heeft/ ende vande(n) selve(n) gevolge bewijssenisse gedaen/ dat tvo(n)nisse van scepen(en) van loven(en) he(m) voirt wijsde/ dat hij zijn voirscr(even) schout met ede grootte(n) ende/ verifice(re)n soude Soe heeft dair nae de selve wille(m)/ den eedt lijflijck ten heylige(n) gedae(n) dat hem de/ voirscr(even) gielijs le(m)mens bove(n) alle ontfanck en(de) betali(n)g(en)/ de voirs(creven) so(m)me van ghelde ende coren(en) belanc is/ dueglijck ende sonder argelist dair nae te(n) ernstige(n)/ versueke desselfs willems Wert voirt gewijst bij/ vo(n)nisse der voirs(creven) scepen(en) van loven(en) dat de selve/ willem nade vorderinge die hij gedae(n) hadde ende/ den eedt d(aer)op gevolcht dat hij de voirs(creven) goede/ exeque(re)n soude en(de) ten hoechsten bringe(n) in sulker/ mate(n) oft yet ov(er)schote dat hij dat wed(er)ke(re)n soude en(de)/ oft d(aer) yet gebrake dat zij dat volge(n) soude met rechte en(de)/ de selve wille(m) gelofde va(n) ov(er)tuldich(eit) inde banc oft hij de/ d(enieren) vand(en) voirs(creven) goede(n) comen(de) tonrechte toge dat hij d(aer)af/ tege(n) eene(n)yeg(eliken) te rechte stae(n) soude cor(am) scab(inis) in sca(m)pno/ oct(obris) xx