Allen den ghene(n) (et)c(etera) burg(er)meeste(re)n scepen(en) raid der/ stad van loeven(en) saluit Doen te wete(n) dat op de(n) dach van/ heden datum van desen voir ons comen is in p(ro)pren p(er)sone/ gregoris vrancx sone roelofs wilen vrancx ende heeft/ geconstitueert gesedt volcome(n) macht p(ro)cu(ra)cie ende auc(tori)teyt/ gegeven lodewike roelofs scepen(en) te loeven(e) augustijn vilters/ gerarde van baussele sec(re)tar(is) willem(me) van lele daneel/ vanden dale ende stas van bolle oft den eene(n) van hen/ bringe(r) sbriefs Alle en(de) yegewelke zijn saken questie(n) en(de)/ geschillen die hij alsnu uutstaende heeft oft namaels hebben/ soude moegen voir wat gerichte gheestelijc oft weerlijc/ dat dat ware oft gescien mochte Alle zijn jaergulde sculde(n)/ opcomi(n)gen p(ro)fite(n) v(er)valle(n) goede(n) beruerlijc en(de) onberuerlijc/ chijsen rente(n) erfpachte(n) die hij jegewordichlijc heeft oft/ he(m) namaels vallen aencome(n) ende verschijne(n) sele(n) moege(n)/ tot wat plaetsen op wat p(er)sone(n) oft van wat proffite(n)/ oft goede(n) dat het zijn oft gescien mochte Te verware(n)/ te mane(n) teyssce(n) op te buere(n) tontfange(n) dair voe(r) te pande(n)/ te daghen te beleyde(n) rasteme(n)te te doen legge(n) die met/ rechte texequere(n) te v(er)volge(n) (et)c(etera) p(ro)mitt(entes) ratu(m) salvo/ iusto calculo cor(am) burg(imagistro) et scabinis febr(uarii) viii