It(em) jan opten berch rintm(eeste)r des edele(n) her jacops greve van salme(n)/ hee(r) te rotselair die na de(n) rechte der stad va(n) loeven(en) geleidt/ is tot alle(n) de(n) goede(n) beyde have en(de) erve des voirs(creven) he(re)n jacops/ wair die belegen zijn in p(rese)ncia heeft openbaerlijc quitescouwe(n)/ tselve zijn beleit tot alle(n) de(n) goede(n) rechte(n) en(de) heerlich(eit) va(n) m(er)beke/ m(er)sberge en(de) corte(n)berge met alle(n) hue(re)n toebehoirte(n) soe v(er)re de/ he(re)n van rotselair en(de) vande(n) plaetse(n) voirs(creven) die tot noch toe ge/ houden en(de) beseten hebbe(n) gelijc de br(ieve) dair af opde(n) xii[te(n)] dach/ des(er) jeg(ewordige) maent febr(uario) lestleden gepasseert en(de) gemaect voir de(n)/ rintm(eeste)r ons gened(ichs) he(re)n tsh(er)toge(n) te vilvoirde(n) en(de) zijne(n) eyge(n)genote(n)/ dat volcomelik(er) inhoude(n) en(de) beg(ri)pen Bekinnen(de) hem d(aer) inne/ niet meer rechts te hebbe(n) oft te behoude(n) in gheenre maniere(n)/ tot d(er)re tijt toe dat meester barth(olomeeus) van meerbeke raet ende/ meester vand(er) rekencame(re)n ons gened(ichs) he(re)n te bruess(el) v(er)nuecht/ ende gecontenteert sal sijn na uutwisen zijnre guedinge(n)/ die hij hier af heeft vander so(m)men va(n) iii[c] r(yns) g(ulden) te xx/ st(uvers) eens met allen (con)d(icien) en(de) vorwerden d(aer) inne begrepe(n)/ cor(am) vos lynde(n) febr(uarii) xvi