Item den voirs(creven) brief is den voirscreven(en) p(er)sonen bekint te/ dier meyningen want de voirscreven meester peter/ van loven(en) ende henric van berthem hen tande(re)n tijden/ verbonden ende verobligeert hebben voir scepen(en)/ van loven(en) voir den voirscreven(en) gehuysschen voir/ eenen ryns guld(en) lijftochten staende ten live jannen/ en(de) gielise hellincx dair de selve johannes haer voir/ heffen in heeft Tot welcken tide de vors(creven) gehuyssche hue(re)n/ vors(creven) borge om hen tontheffen in handen setten een huys/ en(de) hof metter toebehoirten gelegen inde sluysstrate en(de)/ want de vors(creven) frederic coopman weet die tvoirs(creven) huys en(de)/ hoff dat zee(r) te rijse gheet aenverden en(de) coopen zoude wart/ dat de vors(creven) borgen consenteerde(n) Soe is den selven borghen de(n)/ voirs(creven) brieff bekint en(de) hebben gelooft de voirs(creven) gehuyssche en(de)/ kynde(re) d(aer) toe vervangen(de) frederike janne pauwels en(de) evo(n)de/ oic hue(r) wettige kynde(re) en(de) brued(er) d(er) vors(creven) gesuste(re)n dat zij de/ twee peters erflic staende op een huys en(de) hof roelofs vand(en)/ houte na inhout d(er) scepen(en) brieve d(aer)op gemaect staen(de) ond(er)/ callaber febr(uario) [vacat] lestleden noch [oic] ande(r) goede en(de) rente(n) die hen/ toecome(n) mogen van lijsbetten spaymans janne samps noch/ ande(r) v(er)loopen noch v(er)setten en sullen de vors(creven) borgen en sullen/ tyerst volcomentlic gelost zijn vand(en) r(yns) gul(den) lijftochte(n) vors(creven) en(de)/ des d(aer) uut spruyten mochte eisd(em)