It(em) henric ende arndt berwouts gebruede(re)n wettighe kinde(re) goessens/ berwouts die hij heeft van joncfr(ouwe) lijsbetten van halle zijnen wive/ p(ri)us a pane eiusd(em) do(micel)[le] elis(abeth) eor(um) p(at)ris modo debito emancip(ati) in p(rese)ncia/ hebben gelooft ongesundert en(de) onversceiden den voirs(creven) hue(re)n vader tot/ behoef van hue(re)n bruede(re)n en(de) suste(re)n oic kynde(re) des voirs(creven) goessens die hij/ heeft vand(en) voirs(creven) joncfr(ouwe) lijsbetten oft die zij tsamen namaels v(er)crigen/ moigen dat zij en(de) elc van hen den selven zijnen bruede(re)n en(de) susteren/ hoedegelic en(de) te geliken deelen en(de) porcien deylen sullen alle en(de) yegewelke/ omberuerlike en(de) erfgoede het zijn leene eygen oft erve wair die geleg(en)/ zijn oft met wat namen die genoemt moigen wesen die blive(n) selen/ en(de) hen v(er)sterve(n) mochten vand(en) vors(creven) hue(re)n vader en(de) moeder het zij/ datse den selve(n) hue(re)n ouders comen sijn vand(en) stocke oft dat zij die/ hebben gecreg(en) oft v(er)crigen mochte(n) het en wae(re) dat hen bijdtestame(n)te/ der selver hue(re)r ouders e(n)nich voirder recht oft deel in eenich der selver/ goede gave Hebben voirt gelooft indivisim dat zij na doot hue(re)r oud(er)s/ vors(creven) robbeerde berwouts hue(re)n oem ongestoct en(de) ongestoert sulle(n) laten/ volgen half de leengoede geheete(n) die goede vand(en) putte gelegen/ te sittert want hem die een helicht van dien wettelic en(de) deughdelic/ toebehoirt Al eest dat hue(r) vader alleene totte(n) selve(n) goeden int geheele/ comen mach sijn geloven(de) indivis(im) et renu(n)c(iantes) p(ri)vileg(iis) univ(er)sitat(is) era(n)to/ van desen kinness(en) en(de) geloften tegen eene(n) yegelik(en) recht warant te/ sijne ende te bliven cor(am) opp(endorp) wynghe maii xiii