Want her jacob na(tur)lic sone rombouts wilen godevarts va(n) mechele(n)/ sone lambrechts wilen godevarts als geleid van inden jae(re) xiiii[c] xxxiiii/ julii xx nae der stat recht van loven(en) inden name van hem selven/ ende tot behoif meester rombouts andries peters jans en(de) wilen/ annen sijnder bruede(re)n ende suster tot allen den goeden have ende/ erve des vors(creven) wilen rombouts godevarts huers vaders in woeni(n)g(en)/ huysen hoven wynnen(de) landen beemden eeusselen bosschen chijsen pachten/ rinten en(de) allen den toebehoirte(n) geleg(en) te grymberghe(n) en(de) elswair/ bynne(n) brabant metter stat brieve(n) gescreve(n) aen alle officie(re)n hadde doen/ ontraste(re)n alle de selve goede die ten versueke anthonijs de tambuyse(re)/ gielijs de molde(re) en(de) jans de kempene(re) in rastemente ware(n) gedaen ende/ den vors(creven) p(ar)tien dach van rechte op heden alse ten verstreken(en) daige/ van rechte doen bescheiden Tot welken daige de selve drie p(er)sone(n)/ niet come(n) en sijn ende de vors(creven) her jacop peter en(de) jan rombouts/ gebruede(re)n en(de) joh(ann)es godevarts als p(ro)cur(eur) tot desen gestelt voir wet te/wael mechelen vande(n) vors(creven) meest(er) romboute ende andriese trecht/ voort versueken(de) ende alleenlic de (con)tu(m)acie des vors(creven) anthonijs die/ tambuyse(re) accuse(re)nde Soe hebben de scepen(en) van loeven(en) ter manissen/ smeyers gewijst voir een vo(n)nisse nae dat hen bij behoirlik(er) rescripte/ vanden officie(re)n gebleken heeft tvors(creven) rastem(en)t afgedaen en(de) anthonise vors(creven)/ dach van rechte gedaen te sijne datmen den vors(creven) he(re)n jacoppe inde(n)/ name en(de) tot behoif van hem selve(n) en(de) sijne(n) bruede(re)n vors(creven) houde(n) soude/ inde macht van sijne(n) beleide vors(creven) zoe verre alst noch voir scepen(en) come(n)/ es cor(am) scabinis in sca(m)pno julii xxviii