Item vanden ghedinghe dat was voer meye(r) en(de) scepen(en) van loeven(en) tusschen/ woute(re)n vanden tymple als aenlegge(r) in deen zijde ende laureyse van/ wynghe verweerde(r) in dande(r) alse van tweelf pe(n)ninghen bone ende/ eene(n) cap(uyn) erflic outschijs die de voirs(creven) wouter yesch aen en(de) op een/ huys met sijnder toebehoorten gelegen opde hoendermerct te loeven(en) strecken(de)/ totter paristrate tusscen den hornic vand(en) croeghe nu toebehoiren(de) den/ vors(creven) laureyse ende thuys geheeten leeuwenborch jans van kessele/ Welken chijs de selve wouter seide dat sijn vorvorders voe(r) ende/ hij nae aen tvoirs(creven) erve gehadt en(de) gehave(n) hadde jairlix te/ kersmisse als hue(re)n p(ro)pe(re)n erffchijs en(de) dat boet hij te thoene(n) p(rese)nte(re)nde/ d(aer) toe oft hem sijnen thoen te cranck wae(r) sijn behoud te doene/ Dair op scepen(en) wijsden bij vo(n)nisse geliefde den voirscr(even) woute(re)n met/ sijnen behoude voirt te varen dat hij dat doen mochte met rechte/ Welcx behouts hij vand(en) voirs(creven) erfchijs en(de) opden voirs(creven) gront/ te hebben volquam ende wae(re)n zijn volghers jan heyme ende/ willem van duysborch Dair nae de selve scepen(en) voorts wijsde(n)/ nyet tegenstaen(de) al tghene des de vors(creven) laureys dair toe dede/ seggen dat de selve wouter aende pande die hij opden vors(creven)/ gront dair hij dbehoudt op gedaen hadde hadde gepand sijnen/ voirs(creven) chijs volghen soude met coste en(de) co(m)me(r) inder saken geloepe(n)/ p(rese)ntib(us) om(n)ib(us) scabinis octobr(is) xviii