It(em) peter van maerbeke sone wijlen pet(er)s in p(rese)ncia heeft quijtgescouwen/ volcomelic vrancken van maerbeke sijnen oem en(de) bartelmeeuse vos zwag(er)/ desselfs pet(er)s en(de) hue(re)n nacomeling(en) van alle alsulken hantering(en) bewinde/ hantplichten oft v(er)coepe alse de selve vrancke en(de) bartelmeeus als geleit/ nader stat recht van loeven(e) tot allen zijnen goede beyde have en(de) erve/ voirmaels moig(en) hebben gehadt oft gedaen van e(n)nig(en) vand(en) selven/ sijnen goeden have oft erve hoedanich die sijn ende van allen alsulken/ pe(n)ning(en) oft p(ro)fite(n) als d(air) af e(n)nichsins in hue(re)n handen come(n) ende/ bleve(n) moig(en) zijn Ende voort van allen ande(re)n sculden geloften (con)dicien/(con)vencien scepen(en) brieve(n) so(m)men van pe(n)ning(en) clachte(n) saken eysscen ende/ allen ande(re)n dinghen inde welke de selve twee p(er)sonen oft e(n)nich/ van hen te hemw(er)t gehouden mochte(n) zijn totten daige toe van heden/ in e(n)nig(er) manie(re)n Behalven alleene van sulke(n) gelofte(n) van waerscape/ en(de) genoechdoene van erfgoede(n) rinte(n) oft pachte(n) als hem voirmaels/ bijden selven vrancken en(de) bartelmeeuse oft e(n)nig(en) van hen moig(en)/ zijn gelooft Bekinnen(de) hem d(air) af van allen dien van hen volcome(n)/ rekeni(n)ge bewijssenisse betalinge en(de) voldoeni(n)ge allessins gehadt te hebben/ en(de) te vreden gestelt te wesen P(ro)mitt(ens) null(atenus) alloqui s(ed) war(andizare) coram/ blanckart oppend(orp) decembr(is) xxiii