It(em) reyne(r) vanden gate sone wilen henr(ix) woenen(de) ter sluyse(n)/ inde p(ro)chie van meldert in p(rese)ncia heeft genome(n) en(de) bekint dat/ hij genome(n) heeft jegen he(re)n clase van espen onderprioer ende/ pytanchier des goidshuys van p(er)cke omtrint sesse boender/ lants gelege(n) in alrehande stucke inde p(ro)ch(ie) van meldert/ bove(n) hof m(ijns) jonch(e)r(e)n van meldert gelijc thomas sausse die/ te houden plach Te houden te hebben en(de) te wynnen van/ halfm(er)te naestcomende eene(n) t(er)mijn van nege(n) jaren lang deen/ na dander sonder middel volgende elcx jaers darenbinnen/ voir en(de) om vive ende half mudden rocx goet en(de) payabel/ der mate(n) van loeven(en) met wanne ende met vede(re)n wel bereyt/ pacht van meldert tsinte andriesmisse apostels te betale(n) en(de)/ int goidshuys voirs(creven) opden spyker aldair te leveren den voirs(creven) t(er)mij(n)/ lang duerende quol(ibet) ass(ecutu)[m] Item sal de voirs(creven) wynne de voirs(creven)/ lande zijne(n) voirs(creven) t(er)mijn lang wynne(n) en(de) werven wel en(de) loflijc/ ende die binne(n) den voirs(creven) termijne eens over merghelen ende/ overmesten ende tsijnen afscheyden laten besayt wel ende loflijc/ negen dach(mael) met wynt(er)coren ende voirt dande(r) ghelijc reen/ genoten boven ende beneden Item sal de voirs(creven) wynne allen den
//
co(m)mer ende last uuten voirs(creven) gaende den voirs(creven) t(er)mijn lang dueren(de)/ ghelden ende betalen sonder afslach van des voirscr(even) steet also/ in tijts dat tvoirs(creven) goidsh(uys) dair bij gheen scade en lijd hier af/ is borghe henric druys sone wilen jans woenen(de) te meldert/ et p(ri)mus blancart dormale maii xxv