Het zijn comen te rechte inde banc voir meye(r) ende scepen(en)/ van loeven(en) heylwijch baten ter eenre zijden ende goird/ cokart als geleid nae den rechte der stat van loevene/ tot allen den goeden beide have ende erve andries wijlen/ hellinx ende aleiten sijns wijfs ter ande(re) aldair de voirs(creven)/ heylwijch baten dede lesen zeke(r) scepen(en) brieve van loeven(en)/ dair mede de voirs(creven) aleid weduwe des voirg(enoemde) wijlen/ andries als principale met meer ande(re)n hue(re)n borghen/ huer belanc was twee rijders lijftochten Seggende/ dat zij dair voe(r) ende voir twee jairpachten huer van/ dien ombetaelt uutstaende soe zij seide metter banc/ recht met rastacien geprocedeert hadde opder voirscr(even)/ aleiten goede te libbeke gelegen toesiende den voirscr(even)/ goirde die dair selve scepen(e) was ende zoe verre/ dat d(air) op zeke(r) vo(n)nissen aldair wae(re)n gegeven om/ dair op voirt te varen na recht Biedende dese/ pointen te bewijsen ende hue(r) scult te verifice(re)n met/ hue(re)n eedt op hue(r) voirscr(even) brieve hoopende wair/ zij dat dade dat zij dan den voirs(creven) goirde p(ro)cederen/ soude ende voirgaen om hue(r) scult aende voirs(creven) goede/ metter voirs(creven) banc recht voirt te v(er)volghen ende/ dat zij weder ter selver banc recht dair de voirs(creven) goird/ dat met sijnen voirs(creven) beleide hadde doen afscrive(n) en(de) te loeven(en)/ betrecken gere(n)voieert soude wordden Dair op de voirscr(even)/ goird hem v(er)antweerden(de) dede lesen een gelofte d(air) mede de/ voirs(creven) wijlen andries als p(ri)ncipael de selve goird en(de)/ meer ande(r) als borgen gelooft hadden den abt van p(er)cke/ aftequiten vijf en(de) een half mudde corens erfspachts
//
van dien elf mudden corens erfspachts die tselve cloester/ hadde op de molen te libbeke Dair nae eene(n) scoutbrief/ die de voirs(creven) wijlen andries ende aleit sijn wijf den/ selven goirde bekint hadde(n) om hem van dier borchtocht/ voirs(creven) dair mede te lossen dair nae een vo(n)nisse van (con)tu(m)acien/ dat hij hadde opde selve goede ende d(air) nae voirt seggen al/ mocht hij scepen(e) ter voirs(creven) plaetsen van libbeke hebben geweest/ ten tide vand(en) voirs(creven) heylwigen v(er)volght ende zeke(r) vo(n)nissen/ aldair gegev(en) zijn zoe en wae(re)n die niet diffinitijf Oec en/ wae(re)n die tsijnen toesiene niet gegeven want hij altijt/ binne(n) middele(n) tide hadde moten selve volgen int gerichte/ voir meye(r) en(de) scepen(en) van loven(en) des hij hem gedroech/ totten he(re)n vander selver wet Voort p(rese)nteerde hij te/ bewijsen dat hij voir dafquiten der voirs(creven) vijf en(de) een/ half mudde(n) corens erflic gepraemt hadde geweest en(de)/ die moten bij rigue(r) van rechte lossen hopen(de) wair hij/ dat gedoen conste dat hem sijn gebrec aende voirs(creven) goede/ voir al volgen soude ende dat de voirs(creven) heylwijch/ met hue(re)n v(er)volge verdoolt ware hem des gedragen(de) totten/ rechte Op dwelc de voirs(creven) goird tot sijne(n) thoenisse/ gewijst wart ende dat geleyt en(de) aengehoort/ wart de selve goird voort gewijst zijn gebreken/ te verifice(re)n tot [met] sijnre eed dien hij dede op eene(n)veertich/ rijders te xxvi stuv(er)s tstuc ende xv stuv(er)s sonder de costen/ van rechte alsnu d(air) op gedaen Wart gewijst te(n) uut(er)ste(n)/ bijde(n) scepen(en) van loeven(en) ter maniss(en) smeyers dat den voirs(creven)/ goirde cokart en(de) sijne(n) beleide de goede volgen sele(n) d(air) questie/ af es tot sijnre scult behoif naede(n) eed die hij d(air) af gedaen/ heeft en(de) dat hij die selve goede exeque(re)n en(de) ter execucien/ stellen sal cor(am) o(mni)b(us) scabinis in sca(m)pno maii xiiii