SAL7365, Akte: R°43.4-V°43.1 (105 van 553)
Akte R°43.4-V°43.1
Act
Datum: 1471-09-25
Transcriptie
2020-10-06 door Karel EmbrechtsAllen den ghenen die dese l(ette)ren sullen sien oft horen/
lesen burgermeeste(re)n scepen(en) en(de) raide d(er) stat van/
loven(e) saluyt Doen cont en(de) te weten dat opden/
dach datum van desen voir ons comen en(de) gestaen is in/
prope(re)n p(er)sone her jan van meghen here te mirle
//
ridde(r) (et)c(etera) en(de) heeft geconstitueert gesedt volcomen macht/ procuracie en(de) auctoriteit gegeven he(re)n philipse van/ schoenhoven here te waenrode ridde(r) (et)c(etera) zijnen neve/ en(de) janne de ghet rentmeest(er) des selfs he(re)n ph(ilipp)us/ oft den eenen van hen bringer van desen Te verantwerden/ en(de) met rechte te vervolghen alsulken rastement als/ meester ghijsbrecht molenpas procur(eur) m(ijns) gened(ichs)/ he(re)n tsh(er)togen inden name vanden selven m(ijn) gened(igen)/ here hadde doen doen op hondert en(de) lviii guld(en)/ erfrenten als de vors(creven) her jan heeft en(de) heffende/ is opde goede en(de) heerlich(eit) van cranendonc van/ endhoven en(de) woensele gelijc zekere brieve dair/ af zijnde uutwisen en(de) begrypen voir m(ijn) here den/ president den brabantschen raide oft elder voir wat/ gerichte dat zij het zij gheestelic oft weerlijck/ de vonnissen oft t(er)minacien d(air) af te verwachten en(de)/ te voldoene ofs behoefde getuygenesse te leiden/ d(er) wederp(ar)tien getuygen te sien zweren die te batte(re)n/ also dicke en(de) menichwerven als des te doen sal zijn/ alle gescriften en(de) libellen ov(er)te gheven en(de) te nemen/ d(air) op te replice(re)n en(de) te dupliceren also wel int/ principael als int accessoir en(de) vortaen generalic/ en(de) specialic allet ghene in des vors(creven) is te doen (et)c(etera)/ Gheven(de) den selven he(re)n ph(ilip)s volcomen macht/ eenen oft meer procur(eur)s tot desen te stellen (et)c(etera) P(ro)mitt(ens)/ ratu(m) (et)c(etera) En(de) wes deen innegesteken oft begonnen/ sal hebben dat dat dand(er) sal mogen uuten(en) (et)c(etera)/ sept(embris) xxv
//
ridde(r) (et)c(etera) en(de) heeft geconstitueert gesedt volcomen macht/ procuracie en(de) auctoriteit gegeven he(re)n philipse van/ schoenhoven here te waenrode ridde(r) (et)c(etera) zijnen neve/ en(de) janne de ghet rentmeest(er) des selfs he(re)n ph(ilipp)us/ oft den eenen van hen bringer van desen Te verantwerden/ en(de) met rechte te vervolghen alsulken rastement als/ meester ghijsbrecht molenpas procur(eur) m(ijns) gened(ichs)/ he(re)n tsh(er)togen inden name vanden selven m(ijn) gened(igen)/ here hadde doen doen op hondert en(de) lviii guld(en)/ erfrenten als de vors(creven) her jan heeft en(de) heffende/ is opde goede en(de) heerlich(eit) van cranendonc van/ endhoven en(de) woensele gelijc zekere brieve dair/ af zijnde uutwisen en(de) begrypen voir m(ijn) here den/ president den brabantschen raide oft elder voir wat/ gerichte dat zij het zij gheestelic oft weerlijck/ de vonnissen oft t(er)minacien d(air) af te verwachten en(de)/ te voldoene ofs behoefde getuygenesse te leiden/ d(er) wederp(ar)tien getuygen te sien zweren die te batte(re)n/ also dicke en(de) menichwerven als des te doen sal zijn/ alle gescriften en(de) libellen ov(er)te gheven en(de) te nemen/ d(air) op te replice(re)n en(de) te dupliceren also wel int/ principael als int accessoir en(de) vortaen generalic/ en(de) specialic allet ghene in des vors(creven) is te doen (et)c(etera)/ Gheven(de) den selven he(re)n ph(ilip)s volcomen macht/ eenen oft meer procur(eur)s tot desen te stellen (et)c(etera) P(ro)mitt(ens)/ ratu(m) (et)c(etera) En(de) wes deen innegesteken oft begonnen/ sal hebben dat dat dand(er) sal mogen uuten(en) (et)c(etera)/ sept(embris) xxv
Nagekeken door: kristiaan magnus
Moderator: Greet Stevens
Laatste update:: 2016-07-19 door Xavier Delacourt