Vander questien en(de) gescille die uutgestaen hebben tusscen/ bertram colet in deen zijde ende jan colet sij(n) sone in dande(re)/ sijn p(ar)tien in beyde(n) zijden bij middel va(n) hue(re)n magen ende/ vrienden ov(er)come(n) ende eens werden der poente(n) en(de) condicien/ hier na verclaert die zij malcande(re)n gelooft hebben vast/ en(de) gestentich te houden en(de) te voldoene Inde(n) yerste(n) sal de/ voirs(creven) jan collet van desen dage voirt also lange de/ voirs(creven) bertra(m) leve(n) sal hande slaen aen alle des voirs(creven)/ zijns vader erflike goede en(de) renten in huysen hove(n)/ wynnen(de) lande bempde(n) eeuselen bossche(n) wate(re)n moelen(en)/ en(de) alle(n) ande(re)n toebeh(oerten) soe wair die binne(n) de(n) lande van/ brabant oft d(air) bute(n) gelege(n) sijn oft hoe die genoemt/ moegen werden Uutgesceyde(n) de scare vande(n) bossche bij/ brocquyt die i gehete(n) gille en(de) heyn de mol jege(n)/ de(n) voirs(creven) vader gecocht en(de) gecregen hebbe(n) d(air) af de/ selve vader de pe(n)ninge van hen heffen sal ende hier/ voir sal de voirs(creven) jan de(n) voirs(creven) zijne(n) vad(er) alle jare/ soe lange hij leve(n) sal en(de) betalen en(de) gheve(n) xl r(yns) guld(en)/ te xx st(uvers) stuc talle(n) drie maende(n) tvierdel dair af/ vande(n) welken dyerste payment innegaen sal te paessche(n)/ naestcomen(de) q(u)[o]l(ibet) ass(ecutu)[m] It(em) sal de voirs(creven) jan betalen jaerl(ijcx)/ alle de(n) chijs en(de) pacht uute(n) voirs(creven) goeden gaende en(de)/ alle bede en(de) onghelt alsoe in tijts dat de voirs(creven) b(er)tra(m)/ dair bij gheen scade en(de) lijde It(em) bove(n) desen sal de voirs(creven)/ jan de(n) voirs(creven) zijne(n) vader gheve(n) en(de) betale(n) viii mudde/ corens goet ende payabel d(er) mate(n) van(n) gheldena en(de)/ pacht van gheldenake(n) en(de) vijf pet(er)s te xviii st(uvers) stuc/ min ii stuv(er)s Te wete(n) de vier m(ud)[de] dairaf te paessce(n)/ naestcomen(de) en(de) dand(er) iiii m(ud)[de] te paessche(n) dair na en(de)/ te geldenake te levere(n) en(de) de voirs(creven) pe(n)ni(n)ge ts(in)te/ lambr(echts)misse naestcomen(de) q(u)[o]l(ibet) ass(ecutu)[m] It(em) want uute(n)/ voirs(creven) bossche v(er)cocht zijnde als voe(r) jaerl(ijx) gheet (½) m(ud)[de]/ even(en) dwelc de voirs(creven) jan na des voirscr(even) steet jaerl(ijcx)/ sal moete(n) ghelde(n) Soe is ond(er)sproke(n) waert soe dat
//
de voirs(creven) bertra(m) aflivich worde voir en(de) eer dat selve bossch/ houberich ware dat de selve jan dan en(de) in dien gevalle/ aen de haeflike goede zijns vader heffen en(de) verhale(n) sal/ moege(n) des hij dan jaerlijcx d(air) af sal hebbe(n) betaelt/ It(em) sal de voirs(creven) bertra(m) hebbe(n) en(de) behoude(n) te he(m)wert in/ des voirs(creven) jans huys d(air) hij nu inne woent te geldenake(n)/ de came(r) bove(n) den kelde(r) tsijne(n) gerieve so lange hij leve(n)/ sal It(em) sal de voirs(creven) jan de(n) voirs(creven) zijne(n) vader leene(n) i/ p(er)t soe wa(n)neer hijs beghe(re)n en(de) behoeve(n) sal It(em) oft de/ voirs(creven) jan zijns voirs(creven) vaders behulp behoefde aen e(n)nige/ goede oft rinte(n) te bedinge(n) oft anders soe is vorwerde/ dat he(m) de voirs(creven) vader alle bijstentich(eit) doen sal en(de) oft/ zij dan yet verlore(n) met rechte soe soude dat de(n) voirs(creven)/ janne afslach doen aende jaerlijcsche betalinge voirs(creven) It(em)/ want de(n) voirs(creven) vader en(de) sone zeke(r) goede verstorve(n) zij(n) bij/ der aflivich(eit) van steven wilen stevens soe dat zij selen/ moete(n) met rechte d(air) om becly(m)me(n) de kijnde(re) des voirs(creven) wile(n)/ stevens so is vorwerde wes zij d(air) af come(n) gewynnen/ dat zij dat half en(de) half deyle(n) sele(n) En(de) waert dat/ de voirs(creven) jan e(n)nige scade hadde oft lede van brande ta(m)peeste/ oft gemeyne(n) orloge so sal de voirs(creven) vad(er) he(m) d(air) af rastoer/ en(de) afslach doen na dat ande(r) bove(n) en(de) benede(n) doen selen/ en(de) also dat behoire(n) sal It(em) hij sal jairl(ijcx) noch betale(n) so lange b(er)tra(m)/ leve(n) sal janne maillefer ix m(ud)[de] core(n)s mate va(n) loeven(en) te geldenake(n)/ te leveren cor(am) blancart ouder(ogghe) no(vem)[b(ris)] xx