Alsoe als vranc willem(air) die met scepen(en) brieve(n) van loven(en) over vele jairen/ gemaict over lanc gehat en(de) ontfang(en) heeft hij en(de) zijn vord(er)s aen en(de)/ op alle de omberuerlike en(de) erfgoede jans wijlen de wairna(n)t te foul/ tautreglise en(de) toffus en(de) elsw(air) dair omtri(n)t geleg(en) [x lichte crone(n) erflijc en(de) des brievs gesonde(n) aend(en) officier d(air) ond(er) de selve goede ligge(n) en(de) hem de selve goede dair op leverd(en)] opde(n) dach van hede(n)/ hadde doen dach doen meest(er) anthonise van wairna(n)t prieste(r) sone w/ des vors(creven) wijlen jans die de vors(creven) goede meynde te gebruycken zon(der)/ den vors(creven) vrancke(n) van sijnre verschenend(er) en(de) ombetaeld(er) jairrinte(n)/ te v(er)nuegen Ende de vors(creven) meest(er) anthonijs in rechte comen zijnde/ en(de) zijnen voirspreke genome(n) zijnde begonne(n) hadde in rechte/ te treeden soe heeft de vors(creven) vrancke gemeynt wair de voirscr(even)/ meest(er) anthonijs prieste(r) wae(re) dat hij sculdich wae(re) nader stat recht/ borghe te stellen eer hij voirtsvare(n) soude moig(en) Dair af hij meynde/ de (contra)rie mair een wijle d(air) nae p(rese)nteerde hij b(er)tra(m)me collet tot eene(n)/ borghe die vand(en) meye(r) des inde(n) gerichte gevraicht de borchtocht/ niet doen en woude Ende alsoe v(er)socht de vors(creven) vranck van/ rechts weg(en) met sijne(n) voirspreke wair de vors(creven) meest(er) anthonijs/ den rechte nyet genoech en dede noch en p(ro)cedeerde alsoet behoirde/ dat hij dan tegen den selve(n) meest(er) anthonise in sijne(n) onderpande(n)/ wordde gewijst Alsoe dat de meye(r) h(ier) op te(n) uut(er)sten maende/ de scepen(en) die wijsde(n) voir een vo(n)nisse wair de vors(creven) meest(er)/ anthonijs niet aen en sprake ten opstaene smeyers en(de) der scepen(en)/ datme(n) den vors(creven) vrancke(n) houd(en) soud(e) in sijne(n) scepen(en) brieve(n)/ en(de) leve(ri)ng(en) zoe v(er)re alst noch voir scepen(en) come(n) was p(rese)ntib(us)/ meld(er)t berthe(m) oppend(orp) ouderogghe dor(ma)[le] dor(ma)le aug(usti) viii