Item vander aenspraken die willem van optielt gedaen/ heeft op gielise peters van dat de selve gielis hem/ sculdich zoude zijn van schaerhoute van bossche drie/ guld(en) te x st(uvers) tstuc myn eenen braspe(n)ninc teghen/ dwelc de selve gielis eedt en(de) ontschout boot te doen/ den rechte genoech zijnde Was gewijst bij vonnissen/ d(er) scepen(en) van loven(en) wair de voirs(creven) gielis zijnen/ eedt dade als hij geboden hadde dat hij d(er) aensp(ra)ken/ ongehouden zijn zoude van welcken eede de vors(creven)/ gielis volquam p(rese)ntibus o(mn)ibus scabinis in scampno/ dempto ouderogge m(ar)tii vii