Allen den ghenen die dese l(ette)ren sullen sien oft hoe(re)n lesen/ burg(er)meeste(re)n scepen(en) en(de) raide d(er) stat va(n) lov(en) saluyt/ Doen cont en(de) te weten(e) dat opden dach datum van desen/ voir ons comen is jan stroeproc sone wilen arnts woenen(de)/ te maestricht en(de) heeft geconstitueert gesedt volcomen/ macht procuracie en(de) auctoriteit gegeven bastijnen stroep/ roc sijnen neve alle (en)de yegewelc zijn saken questien en(de)/ geschillen die hij uutstaen(de) heeft oft namaels uutstaen(de)/ hebben sal mogen alle zijn jairgulde v(er)vallen chijsen/ renten erfpachte(n) en(de) sculden die me(n) hair sculdich is oft/ sculdich sal wesen En(de) specialic te mane(n) teysschen [te vervolge(n)] opte/ boren en(de) tontfanghen alsulke xx mol(evate) rox d(er) mate(n) va(n) lov(en)/ lijftochten staen(de) ten live des vors(creven) jans met allen den/ achterstelle d(air) af ombetaelt uutstaen(de) als bertelmeeus/ wilen de hont met zeke(r) and(er) p(er)sonen sculdich is bleve(n)/ met scepen(en) brieve(n) va(n) lov(en) d(air) af zijnde alle scepen(en) br(ieven)/ te vo(n)nissen die met rechte texequere(n) (et)c(etera) en(de) vortaen/ generalic (et)c(etera) p(ro)mitt(ens) ratu(m) salvo iusto calculo maii xxi