Item de voirs(creven) aert en(de) cornelijs hebben voirt gelooft ind(ivisim) de(n) voirs(creven)/ rikaerde dat zij morgen des daighs selen come(n) tantwerpen bij/ huere(n) gemeynen maghe(n) en(de) vrienden ende verdraghen hen d(air)/ bij onderwise der selver vriende van alsulken geschille als zij hebbe(n)/ om de successie vanden goeden wilen van des voirs(creven) arts ende/ rikaerts wijfs moeder gecome(n) ende doen malcanderen d(air) af mynlic/ des zij uterlijc met rechte souden moete(n) doen Ende oft zij/ dair niet verliken en conden zelen zij malcanderen hier op/ eenen anderen dach leysten inder stad van breda oec bij mage(n)/ ende vrienden den tweesten sondach na sintjansdach baptisten/ naistcomen(de) sonder dleysten vanden voirs(creven) twee dachv(er)de(n) te laten(e)/ en(de) telken oic op de pene ende aband(uyn) voirg(eruert) betaelt te werde(n) als/ voe(r) Mair oft zij ten utersten mynlijc niet verliken en conden/ tot gheen vanden voirs(creven) tween daghen zelen zij hue(r) actie(n)
//
van deser saken dair voirtaen elc volghen moegen met rechte/ dair ende alsoe dat behoirt et p(ri)mus cor(am) eisd(em)