Vanden questien en(de) gescillen die geweest hebben voir meye(r) en(de) scepen(en) van/ loeven(en) inde banc tusscen claese van stakenborch als aenlegge(r) in deen zijde/ en(de) symoene de plueghe(re) in dande(re) aengaen(de) der wynninghen van zeke(re)n goede(n)/ des vors(creven) claes die de vors(creven) symoen in pechting(en) gehouden heeft en(de) des/ dien aencleeft hebben hen de voirs(creven) p(ar)tien gesubmitteert in segge(re)n en(de) vrindelike/ yffene(re)n eertwynnen Te weten de vors(creven) claes in gorde cokart en(de) reyne(re)n corduaen/ en(de) de vors(creven) symoen in gheerde leemans en(de) janne vanden winckele In sulker vueghen/ dat de vors(creven) p(ar)tien alle hue(r) gebreken die zij te malcande(re)n moighen hebben uutstaen(de)/ totte(n) daighe toe van heden opdoen sullen den voirs(creven) segge(re)n en(de) alle informacie/ dair af doen op dat zijs eens sijns tusscen dit en(de) van in maendaighe naistcomen(de)/ over acht daighen Ende oft zijs niet eens en wae(re)n zoe soude(n) de selve/ segg(er)s eendrechtelic eene(n) overman kyesen die sijn uutsprake d(air) af doen soude/ binne(n) iiii daighen d(air) nae Op vueghe oft eenig(er) p(ar)tien g segge(re) gebrake dat/ zij in die stat ande(r) gelike soude(n) moig(en) neme(n) p(ro)mitt(ens) rat(um) berthe(m)/ dor(ma)le aug(usti) xxiiii