It(em) wout(er) lachman sone wile(n) willems wonen(de) te holsbeke/ in p(rese)ncia heeft genome(n) tege(n) arnde de waerseghe(re) alle/ de wy(n)nen(de) lande desselfs arts inde p(ro)chie van holsbeke/ geleg(en) de welke wout(er) voirs(creven) bloot ae(n)veert Te houden (et)c(etera)/ van half oechste naestcomen(de) lestleden eene(n) t(er)mijn van sesse/ jare(n) lang v(er)volgende elcx jaers darenbinne(n) om ende voe(r) achtdalf/ sacke rocx tsjaers te wete(n) vi halste(re)n rocx voir i sack gerekent/ tsinte andriesmisse apostels te betale(n) en(de) te loeven(en) te(n) huyse/ des voirs(creven) aerts te leve(re)n den voirs(creven) t(er)mijn dueren(de) It(em) en/ sal de selve wynne binne(n) de(n) lesten drie jare(n) egheen vande(n)/ selve(n) lande(n) moege(n) hoervruchte(n) en(de) hij sal jaerlijcx alle de/ selve lande wel en(de) loflijc wynne(n) werve(n) en(de) mesten gelijc/ reengenote(n) bove(n) en(de) beneden It(em) sal de voirs(creven) wynne de/ voirhoofde en(de) strate(n) vande(n) voirs(creven) landen houden wel ende/ loflijc op zijne(n) last It(em) en sal de voirs(creven) wynne gheen sacht/ hebben in thout boeme(n) in om oft op de voirs(creven) goede/ staende en(de) de voirs(creven) aert sal moegen zijn lesen en(de) voughe(n)/ dair inne hebben sonder letsel oft calaengie It(em) oft de
//
voirs(creven) wout(er) lachman teniger tijt in gebreke ware van te/ voldoene des voirscr(even) steet in al oft in deele so heeft hij/ alsnu ov(er)geve(n) gewillecoirt ende geconsenteert den voirs(creven)/ aerde de waerseghe(re) dat hij zijn hande talle(n) tide(n) sal moege(n)/ slaen aende goede voirs(creven) en(de) aende vruchten der selver/ En(de) ten lesten jare sal de voirs(creven) wouter twee stucken braken/ o(m)me doen te weten deen opden meesberch ende dande(r) bove(n)/ maelcote en(de) dit jaer van lxxi en sal de voirs(creven) wout(er) niet/ meer gheve(n) noch betalen dan xviii mol(evate) corens ende dese/ vorwerden (et)c(etera) blancart opp(endorp) sept(embris) xxiii