Want meester wouter van nethen(en) geheeten vanden royele die uut/ crachte van scepen(en) brieve(n) van loeven(en) over vele jae(re)n wettelic gepasseert/ houden(de) en(de) besitten(de) es die so(m)me van vijf mudden tarwen erflic onder/ den ande(re)n opde goede hier nae bescreve(n) Te wete(n) yerst op de woeni(n)ge/ metten geleghe bog(ar)de en(de) alden toebehoiren(en) die willem delhe hult/ ende op vi dach(mael) lants geleg(en) te nethen(en) die jan vleesch(ouwere) hult It(em) op/ een boender lants neve(n) de goede van florivael te ii sijde(n) die de/ weduwe jans lorain hult en(de) op een dach(mael) lants geleg(en) opde(n)/ wech strecken(de) van bossuyt te(r) reele weert hem mett(er) stat open(en) br(ieve)/ aen alle officie(re)n oft willem(me) van dyoen quarlemo(n)t als sijne(n) p(ro)cur(eur)/ hadde doen leve(re)n alle de selve goede ende dach van rechte alh(ier)/ inde banc voir meye(r) en(de) scepen(en) hadde doen beteeken(en) de weduwe/ jans wijlen lorain en(de) den maerscal te bossuyt oft zij tege(n) de selve/ execucie yet hadden willen allige(re)n Dair af den dach van rechte/ op heden als ten verstreken(en) daige van rechte heeft gedient tot/ welken daige de selve weduwe en(de) maerscalc niet comen en/ zijn Soe hebben de scepen(en) van loeven(en) ter maniss(en) smeyers/ gewesen voir een vo(n)nisse na dat hen behoirlic bij resc(ri)pte/ vand(en) officie(re)n dair bij dexploite(n) sijn gesciet gebleke(n) heeft/ de selve execucie gesciet te sijne datmen den voirs(creven) p(ro)cur(eur)/ inde(n) name des vors(creven) meest(er) wout(er)s houde(n) sal inde macht/ van sijne(n) scepen(en) brieve(n) en(de) leve(ri)ng(en) vors(creven) zoe v(er)re dat noch/ voir hen comen es p(rese)ntib(us) o(mn)ib(us) scabinis in sca(m)pno julii/ iiii