Item alsoe jorijs madea onlanx alhier inder stat heeft doen/ co(m)men(e) janne madea zijnen neve voir hondert ryns guld(en)/ die hij seide dat hij en(de) sijn brueder hem bij handen claus/ scrijbaen hadden doen leenen En(de) de selve jan hem inden/ raide vander [stat] oppone(re)nde excipieerde vanden gerichte om/ datse te bruessel tegen malcande(re)n in rechte stonden voir/ den hee(r) ons gened(ichs) he(re)n aldair ende sunderlinge/ mits dat hij boet te thoenen dat hij wae(re) al noch/ gevangen ons gened(ichs) he(re)n en(de) een ostagier dier/ van luydick hopen(de) dat hij dair om den gerichte/ alhier niet justiciabel en wae(re) dat de vors(creven) jorijs/ ontkinde Soe wert hier op geappointeert bijden/ raide vander stat met vollen gevolghe dat dese sake/ sal bliven gecontinueert totten xxiiii[sten] dage vander/ toecomender maent novembris en(de) als dan sal de selve/ jan bringen claernesse van zijnen vermete om dae(re)nteynde(n)/ inder saken gedaen te worden also na goeder justicie(n) behoe(re)n/ soude Op vueghe dair inne jorijs vors(creven) consenteerde dat/ meester jan trabbequir geloofde en(de) toeseide den vors(creven) janne/ ten vors(creven) dage voir trecht te bringhen Dair oic de/ vors(creven) jan en(de) meester jan van zijnen wegen oppembairlic/ protesteerde dat zij tvoirs(creven) bewijs gherne wouden doen/ mair meynden dat zij dat doen zouden ten coste vanden/ ongeliken actum in pleno (con)silio octobris penultima