Allen den ghenen die dese l(ette)ren sullen sien oft hoe(re)n/ lesen burgermeeste(re)n scepen(en) en(de) raide d(er) stat van lov(en)/ saluyt Doen cont en(de) te weten(e) dat op den dach dat(um)/ van desen voir ons comen is emond ts(er)arts wettich/ sone jans wilen ts(er)arts en(de) heeft geconstitueert gesedt/ volcomen macht procuracie en(de) auctoriteit gegeven/ janne ts(er)arts sijnen brued(er) alle en(de) yegewelcke zijn saken/ questien en(de) gescillen die hij als nu uutstaende heeft/ oft namaels hebben sal mogen voir wat hee(r) oft gerichte/ gheestelic oft weerlic dat dat ware oft geschien mochte/ alle sijn goede sculden opcomingen proffijten en(de) vervalle(n)/ die hem gevallen en(de) verschenen zijn oft namaels vallen/ sullen Te manen teysschen opteboren en(de) tontfanghe(n)/ dair voir te panden te dagen rastemente te doen leggen/ die ten eynde uut met rechte texeque(re)n getuygen te leide(n)/ d(er) wed(er)p(ar)tien getuygen te sien sweren die te batteren also/ dicwille en(de) menichwerven als des te doen sal zijn te/ replice(re)n te duplice(re)n also wel int principael als int accessoir/ en(de) vortaen generalic en(de) specialic allet ghene d(air)inne/ te doene (et)c(etera) p(ro)mitt(ens) rat(um) salvo iusto calculo no(vembris) xiii