Item willem danijs sone wilen daneels woenen(de) ter/ vueren jan mo(m)marts sone wilen arnts al(ia)s cuypere/ en(de) jan coremans sone wilen henricx woenen(de) beide te/ voshem in p(rese)ncia hebben genomen en(de) bekint genome(n)/ te hebben teghen he(re)n janne thyryon priester procur(eur)/ des godshuys van percke hebben(de) volcome(n) procuracie/ vanden selven godshuyse een stuc lants houden(de) omtrent/ neghen boender en(de) xvii roeden also tghelegen is inde/ prochie van voshem opder monictkouter tusschen den/ goeden des voirs(creven) godshuys op deen zijde joese absoloens/ op dande(r) den goeden der xii apostelen te lov(en) bruessel/ opde derde zijde Te houden te hebben en(de) te wynnen va(n)/ half merte [dat sijn sal] int jair ons he(re)n xiiii[c] lxxiiii na costume/ vanden hove van cameric eenen termijn van negen/ jae(re)n lanc deen na dand(er) sond(er) middel vervolghende/ elx jairs dae(re)nbynnen om en(de) voir sevenen(de)twintich/ halste(re)n rox goet en(de) payabel d(er) maten van lov(en) met/ wanne en(de) vlogelen wel bereit sinte andriesmesse apostels/ te betalen en(de) te percke opden greynier te leve(re)n den vors(creven)/ procur(eur) en(de) telcken termijne als verreicte schout Met vor/ weerden dat de voirs(creven) wynnen de voirs(creven) lande wynnen/ en(de) werven sullen wel en(de) loflic gelijc reengenoeten/ boven en(de) beneden en(de) bynnen den vors(creven) ix jae(re)n eens/ mesten oft mergelen en(de) thue(re)n lesten jare laten/ eens gecka geackert ten uutghane huers t(er)mijns/ Item zullen de voirs(creven) wynne(n) de vors(creven) goede van/ thienden vry houden dairse thiende vry zijn ende/ dair af gheene thiende gheven mair hen dair/ tegen weren met behulpe des vors(creven) godshuys Item/ is vort bevorweert dat de voirs(creven) wynne(n) de voirs(creven) goede/ van nu vortaen totten inneghane huers voirs(creven) t(er)mijns/ aenverden sullen mogen en(de) hue(r) proffijt d(air) mede/ doen zonder bynne(n) dien myddelen tijde d(air) voir/ yet te gheven en(de) dese voirs(creven) vorweerden (et)c(etera)/ dormale maes aprilis xiii