Item in meerder sekerheit der voirs(creven) renten en(de) om/ dinhout vanden vors(creven) brieve te voldoen heeft/ de voirs(creven) her willem den vors(creven) roelofve in handen/ gesedt de selve(re)n juweelen hier na bescreven/ Te weten(e) inden yersten eene selve(r) gheltkanne [de] borde/ en(de) heyse buyten vergult metter wapen(en) van elde(re)n/ merode en(de) van pietershem wegen(de) seven merc der/ dalf onche schaers Item eene ande(r) gheltkanne de(n)/ bort vanden voete decxelle en(de) heyse buyten vergult/ metter wapen(en) van merode en(de) [van] wezemale in eenen/ in scildeken weghen(de) seven merc myn eene halve/ onche Item eenen overdecten verguld(en) croes bynnen/ en(de) buyten met eenen leeuken boven wegen(de) drie merc/ vierdalf onche Item eenen overdecten croes de borde en(de)/ voet vergult met eend(er) bloemen veramaest d(air) boven staen(de)/ een karaelken wegen(de) onder half merc drie onchen/ Item eenen vergulden(en) [overdecten] croes gepoinchoneert met vier/ vogelen grype d(air) af den eenden [eenen] bove(n) staet en(de) dand(er) drie/ aend(en) voet wegen(de) drie merc een onche Item/ twee overdecte witte croese den eenen met eender/ blauwer bloemen en(de) den ande(re)n met eend(er) groend(er) bloemen/ veramaest neghen croese met verguld(en) borden eene
//
half dossijne lamschalen wegen(de) tsamen veerthien merc/ een onche Item een half dossijne komschalen de/ bode(m)me verpuckelt wegende vijff merc twee onchen/ vier yngelsche al troys gewichte Welcke/ yuweelen voirs(creven) de vors(creven) roeloff gelooft heeft hem/ vanden vors(creven) renten en(de) afquitingen d(er) selver te vollen/ gecontenteert zijnde wedero(m)me gelic die vors(creven) staen/ te restitue(re)n den vors(creven) he(re)n wille(m)me oft in zijnd(er)/ absencien wille(m)me maes en(de) arnde kyiers des vors(creven)/ he(re)n willems knecht beide te samen d(air) inne de/ selve her willem zijn opembair consent gedraghen/ heeft en(de) oic als dan des vors(creven) steet te a(n)nichelleren/ cor(am) eisd(em) et jasp(are) claus forestario