Item peter gorts sone henrix gorts p(ri)us emancip(atus)/ in p(rese)ncia heeft gekint en(de) gelijdt dat jannes/ van loo sone wilen willems woenen(de) te dorpe hem/ volcomentlijc geheelijc en(de) al wel en(de) wettelick/ vernueght betaelt en(de) gecontenteert heeft vand(en)/ vier weghe(n) te weten(e) den eenen in cypers/ ts(int) jacops in galissien te meylanen en(de) te rutchema/ douwe die de vors(creven) jannes opden dach van/ heden hem uut ocsuyne vanden dootslage die/ bijden vors(creven) joh(annen) gesciet is onlanx ind(er) stat van/ bruessel inden p(er)soen willems wilen gorts/ wettich soens des vors(creven) henricx en(de) brueders/ des vors(creven) peter(s) gedaen heeft voir scep(enen) van/ loven(en) Bekynnen(de) hem de voirs(creven) peter vanden/ vors(creven) vier wegen vanden gebede van iii(½)[c] cloeste(re)n/ inde selve geloofte begrepen en(de) al des dair aencleeft/ volcomentlijc vernueght Geloven(de) den selven/ joh(annen) d(air) af ny(m)mermeer aentespreken te vexeren/ te moyen bij hem selven oft yeman(de) and(er)s in/ gheenen rechte gheestelic noch weerlic in/ gheend(er) wijs mair van deser quitancien goet/ gerecht warant te zijne en(de) te bliven tegen eene(n)/ yegeliken blanck(art) dormale januarii xiiii