Allen den ghenen die dese l(ette)ren sullen sien oft hoe(re)n lesen/ burgermeeste(re)n scepen(en) en(de) raide der stat van loven(en) saluyt/ Doen cont en(de) te weten dat opden dach datum van desen/ voir ons come(n) zijn in prop(er) p(er)sone jouffr(ouw) vriendeline/ van nethen(en) geheten vanden royele ende janne van cuyct/ hue(re)n wettigen sone dien zij in desen uuten broode met/ behoirliker manie(re)n gedaen heeft en(de) hebbe(n) geconstitueert/ gesedt volcomen macht procuracie en(de) auctoriteit gegeve(n)/ gerarde van baussele meest(er) janne lobbe secretarise d(er) stat va(n)/ loven(en) meester augustine van nethen(en) meester arnde brau/ janne en(de) clause de beye(re) oft den eenen van hen bringer va(n)/ desen Te vervolghen te manen en(de) met rechte texeque(re)n/ alsulken geloofte als gheert back geheten int woudt den/ vors(creven) janne van nethen(en) dede [cuyc gedaen hadde] voir scepen(en) va(n) lov(en) neghen/ dage in julio int jair xiiii[c] lxx alse van ii bedevarden den/ deenen tsinte peters te rome(n) en(de) dand(er) tsint jacops in galissien/ uut saken van alsulker mesdaet als de selve gheert ander/ wilen der vors(creven) jouffr(ouwe) vriendeline en(de) janne hue(re)n sone/ gedaen hadde met e(n)nigen sijnen medeplege(re)n voir allen/ gerichten gheestelic en(de) weerlic [en(de) specialic voir den raide va(n) brabant] die te quite(re)n en(de) volco/ men quit(ancie) te gheven en(de) vortaen generalic p(ro)mitt(ens) rat(um) ap(ri)lis/ xv