Wij jan blancart en(de) wille(m) maes scepen(en) te loeven(en) doen cond en(de)/ kenlijc alle(n) de(n) ghene(n) die dese l(ette)ren sullen sien oft hoiren lesen/ dat op de(n) dach va(n) hede(n) datu(m) van desen voir ons come(n) zijn in/ p(ro)pren p(er)sone gerart van crehain sone jorijs wile(n) va(n) crehain/ in deen zijde henri de blehain met jouffr(ouwe) marie(n) vand(er) rivieren/ wettige docht(er) raes vand(er) riviere(n) nu ter tijt meyers te nederlyntre/ des voirs(creven) henri wettige huysvrouwe in dande(re) en(de) de voirs(creven) raes/ vander rivieren inde derde ende zijn met malcande(re)n ov(er)co/ men guetlijc ende minlijc eens worden der vorwerden en(de) con/ dicien hier na bescreve(n) die sij malcande(re)n hebben gelooft vast/ ende gestentich tonderhouden Inden yersten heeft de voirs(creven) jouff(rouw)/ marie ten bijzijne en(de) overstane des voirs(creven) huers mans gelaudeert/ geaffirmeert ende geapprobeert alsulken guedinge ende vesticheit/ als den voirs(creven) gerarde van crehain bij den voirs(creven) henri de blehain/ huere(n) man omtrint ons(er) liever vrouwen daghe liechtmisse des/ nu een jaer was gesciet zijn voir den rintmeest(er) ons gened(ichs) he(re)n/ tshertogen ende zijne(n) eygengenote(n) te hannut en(de) die gelooft/ bij consente huers voirs(creven) mans vast gestentich en(de) va(n) weerde(n)/ te houde(n) tot ewigen dagen niet wederstaende huerre hu/ weliker vorwerden ende duwarie(n) die hue(r) dair op gesciet zijn/ ende dat zij bij dier guedinge(n) noyt geroepen en was alse/ vanden goeden stucken porceelen en(de) erfpachte hier na bescr(even)/ Ende yerst van eene(n) halve(n) boende(r) lants gelege(n) tussce(n) ev(er)nas/ le bauduin en(de) thiennes bij de willegen jans de their tussce(n)/ de lande van ons(er) liever vrouwe(n) va(n) ev(er)nas le bauduin in/ deen zijde en(de) de lande des gasthuys van ha(n)nut in dande(r) en(de)
//
naest den goeden jans godfroit des jongen beneden It(em) van xi grote roede(n)/ lants gelegen ter plaetsen geheten al heppe tussce(n) den goeden der armer/ van ha(n)nut in deen zijde ende ernoul boille in dande(r) en(de) bove(n) neve(n) de(n) goede(n)/ van ons(er) liever vrouwen van ev(er)nas voirs(creven) It(em) van sestien grote roeden/ lants gelegen meer tev(er)nas weert tusscen den goeden he(re)n willems van/ haller ridders op weerts en(de) ter zijden te ha(n)nut weert neve(n) een boend(er)/ lants des voirs(creven) henri godfroits chijslijc gehouden vanden he(re)n va(n) sinte/ laureys Item van vijftien grote roeden lants gelegen aldair reenge/ note te ha(n)nut weert neve(n) de voirs(creven) sestien grote roeden lants/ in deen zijde de goede des voirs(creven) henri die toe te behoiren plage(n)/ martin de haller in dande(r) zijde en(de) beneden neve(n) den goede(n) symo(n)/ jaspar It(em) van acht grote roeden lants gelege(n) aldair neve(n) de(n) goede(n)/ geheten chestellain bonne in deen zijde en(de) jan godfroit [de(n) jonge] in dand(er) zijde/ ende beneden neve(n) de(n) goede(n) der erfgename(n) le grand gerard de/ blehain Item van vijftien grote roeden lants gelegen in raskin vaulx/ op de descambge te houthem weert reengenote beneden de lande der/ vesturen van ev(er)nas le bauduin en(de) bove(n) neve(n) een dach(mael) lants dat/ was gielijs de voonck dat nu toebehoirt de(n) voirs(creven) henry ende neve(n)/ den goeden henry de seive op dynde Item van vijf grote roeden/ lants gelege(n) aldair reengenote de voirs(creven) xv roeden benede(n) en(de) bove(n)/ neve(n) den goede(n) jans godfroit des jonge comen(de) metten ynde opde/ descambge Item van xxx g(r)[o]te(n) roeden lants bij der to(m)men va(n) ev(er)nas/ reengenote derfgename(n) des grote(n) gerarts va(n) bloche(m) opw(er)ts en(de)/ benede(n) neve(n) den goeden des voirs(creven) henri de blehain ende ter zijde(n)/ te cockeneur weert aen de lande der p(ro)chiaenscap van evernas le/ bauduin Ite(m) van drie grote roeden lants gelege(n) aldair neve(n) tvoirs(creven)/ stucke erfs opweert en(de) benede(n) neve(n) den goede(n) des voirs(creven) henri/ Item van vier grote roede(n) lants gelege(n) niet verre van daer te houte(m)/ weert tussce(n) tgrote stucke lants van sinte laureys in deen zijde ende/ bove(n) neven den goeden des voirs(creven) henry It(em) van eene(n) dach(mael) lants/ gehete(n) le journal al fosse te ha(n)nut weert neve(n) de(n) goede(n) des goidsh(uys)/ van lyntre in deen zijde en(de) den goede(n) ev(er)arts van bloche(m) in dande(r)/ It(em) van v(½) grote roede(n) lants gelege(n) dair bij opde(n) wech va(n) ha(n)nut/ reengenote den voirs(creven) wech in deen zijde en(de) den goede(n) der erfge/ name(n) noel collarion in dande(r) zijde Item van ii grote roeden/ lants gelege(n) achter den hoff die toe te behoire(n) plach wery de/ chesteal van ha(n)nut comende mette(n) ynde aende(n) voirs(creven) hof neve(n)/ den voetpat gaende van ha(n)nut te putchey weert It(em) van v/ grote roede(n) lants gelegen en le saveniere reengenote thalf/ boend(er) van s(in)te laureys nederw(er)ts en(de) opw(er)ts neve(n) de xii roede(n)
//
die waren jans henq(ue)net nu tertijt ernouts de boille It(em) van xiiii/ grote roeden lants gelegen in ii stucken op dynde vande(n) velde/ ken te thienes weert te wete(n) acht roeden comende opde descambge/ in tween zijden neve(n) den goeden des goidshuys van lyntre en(de)/ den landen van hocxhem Item van sesse grote roeden lants niet/ v(er)re van dair tev(er)nas meerave tussce(n) de(n) goede(n) van s(in)ter claes/ van ha(n)nut in deen zijde en(de) de(n) landen van lyntre voirs(creven) opweerts/ Item bove(n) den wouwer van bertrey [van] twee grote roeden lants reeng(enoten)/ de dertien roeden die ware(n) ernoul painchart nu ter tijt des/ voirs(creven) henri in deen zijde neve(n) de(n) goede van hoxhe(m) in deen zijde/ ende ernoul boilhe in dande(r) It(em) van eene(n) boende(r) lants gelege(n)/ ter plaetsen gehete(n) a preale reeng(enote) opw(er)ts aenden wech va(n) hoege/ en(de) beneden aende lande van name(n) en(de) neve(n) de(n) lande(n) van hoxhe(m)/ It(em) van xi(½) grote roeden lants gelegen int velt van lynshain/ reeng(enote) derfgename(n) wauter werotin nederw(er)t en(de) opw(er)t neve(n)/ den goede bodechon filz anceal de haller It(em) van xv g(r)[o]te roede(n)/ lants gelege(n) niet v(er)re van dair sur le mont de linsain in iii/ stucken te wete(n) iiii g(r)[o]te roede(n) lants reeng(enote) derfgename(n) werar/ garbelet opwerts en(de) nederw(er)ts derfgename(n) henr(ix) borrema(n) va(n)/ raetshove(n) It(em) van acht grote roeden lants niet verre va(n) daer/ reeng(enote) opw(er)ts de lande van sinte lambrechts en(de) te ly(n)shain w(er)t/ neve(n) den landen der cure(n) van ev(er)nas Ende noch meer te haller/ weert iii grote roeden lants reeng(enote) opw(er)ts en(de) te ha(n)nut weert/ aen de lande van namen en(de) nederw(er)ts neve(n) de(n) goeden des/ p(rocur)eurs van b(er)treyes It(em) te thiennes weert xi grote roede(n) lants/ reeng(enote) derfgename(n) willems le mariscal en(de) derfgename(n) goddarts/ de thiennes It(em) [van] xxii grote roeden lants gelege(n) ter plaetse(n) ge/ heten derie(re) le marchoet te ha(n)nut w(er)t reeng(enote) tgasthuys van/ ha(n)nut opw(er)t ende nederw(er)t derfgename(n) gille de cropey en(de) h(er)ma(n)/ le bolleguier It(em) van v grote roeden lants gelegen al presente/ dame maroye reeng(enote) derfgename(n) m(ar)tin dev(er)nas en(de) derfgename(n)/ robert stie(n)ne en(de) benede(n) neve(n) de(n) lande ons(er) liever vr(ouwen) d(e)vernas/ It(em) van iiii grote roeden lants gelegen aldair reeng(enote) onse lieve vr(ouwen)/ dev(er)nas in deen zijde ende ernoul boille in dande(r) en(de) derfgename(n)/ robert stienne opweerts It(em) te houthem weert een half boend(er) la(n)ts/ reeng(enote) bove(n) derfgename(n) gerart robin derfgename(n) gille de metz/ beneden en(de) derfg(enamen) des jongen jans godfroit It(em) te lynseyn w(er)t/ een half boend(er) lants gelege(n) ter plaetsen gehete(n) gobairfosse/ metten weghe streckende van houthem te groot halley reengenoete/ opweerts neven den goeden der he(re)n van sinte lambrechts en(de) benede(n)/ neven derfgenamen jouffr(ouw) liegarde van houte(m) It(em) van xii grote/ roeden lants in twee stucke gelegen te weten vii roeden gelegen op
//
den wech gaende van b(er)trees te puchey reeng(enote) de p(ri)oir van b(er)treye/ comen(de) metten ynde beneden opden voirs(creven) wech van puchey en(de) bove(n)/ neve(n) den goeden der he(re)n vanden biessen It(em) noch va(n) [vijff] grote roeden/ lants dair neve(n) gelegen voir de woeninge gerart de geire metten/ weghe gaende van bertreye te troingnies weert reeng(enote) ottar darion/ van hoeye en(de) te brabant weert neven de lande tscloesters van alna/ It(em) van ix grote en(de) sesse cleyne roeden lants int lant va(n) ha(n)nut/ neve(n) de lande geheten de lespinet brachet reeng(enote) h(er) godfroit/ van holloigne ridde(r) in ii zijden It(em) van iiii(½) m(ud)[de] corens erflik(er) pachts/renten maten ende pacht van hannut op de woeninge bog(ar)t bemt/ wouwe(r) en(de) allen andere(n) toebehoirte(n) wilen toebehoiren(de) ernoul vairon/ gelegen te bertreye gelijc de brieve vanden rintm(eeste)r en(de) eygen/ genote(n) d(air) af gemaect dat inhoude(n) en(de) begr(ip)en It(em) van xv dosijne(n)/ corens mate(n) en(de) pacht voirs(creven) op huys hof bog(ar)de en(de) andere(n) toebeh(oirten)/ jorijs wile(n) va(n) bertreyes gelege(n) te b(er)treyes na inhoude(n) der br(ieven)/ dair af zijnde It(em) [va(n)] iii mudde core(n)s mate(n) en(de) pacht voirs(creven) op zeke(r)/ pande die houdende is de grote jossin va(n) ha(n)nut na inhoudt der/ br(ieven) It(em) van xvi dosijne(n) core(n)s oec erflijc mate(n) en(de) pacht voirs(creven) die/ jan de metz va(n) ha(n)nut sculdich is op zeke(r) pande na inhouden/ der brieve(n) dair af zijnde It(em) vande(n) twee deele(n) van iii boende(re)n/ ende i grote roede lants gelege(n) tot abolens te wete(n) vii roede(n)/ gelege(n) tusscen troignies en(de) abolens reeng(enote) lowet va(n) blehain/ benede(n) ende bove(n) neve(n) de(n) goede(n) gerart de haller It(em) van viii/ dosijne(n) spelte(n) erfrinte(n) opden hoff va(n) zeppe houden(de) omtrint i dach(mael)/ gelege(n) tot abolens reeng(enote) i bempt van zeppe toebehoiren(de) ev(er)art/ de blehain en(de) wout(er) le corbesier te troingnies weert It(em) van vii/ grote roede(n) lants comen(de) tot aen de(n) bemt va(n) zeppe reeng(enote) derfg(enamen)/ jans dabey in deen zijde en(de) derfg(enamen) gille garin in dandere Item/ van xviii grote roeden lants tussce(n) sinte s(er)vaes lens ende abolens/ reeng(enote) sinte maurijs(sen) tot abolens en(de) bove(n) neve(n) de(n) goede(n) jans/ andries van blehain It(em) van ix grote roede(n) lants neven/ tbrugsken van sinte s(er)vaes lens reeng(enote) sinte jan van abolens/ ende gerar de haller It(em) van eene(n) halve(n) boend(er) lants d(air) bij/ gelegen reeng(enote) opweert jan dabey en(de) nederw(er)t neve(n) ev(er)art/ de blehain It(em) van vi grote roede(n) lants gelege(n) acht(er) de(n) hof gehete(n)/ le courtil gilchon mette(n) weghe strecken(de) van blehain tabolens w(er)t/ reeng(enote) gille garin en(de) beneden neve(n) de(n) jonge(n) gerart de haller/ It(em) van vi grote roeden bosch gelege(n) te fleirchut reeng(enote) bove(n) neve(n)/ den goeden henri de seive en(de) beneden de(n) goeden der efgename(n)/ le g(ra)nd gilotin Welke goede voirs(creven) de voirs(creven) raes van lyntre/ heeft gehuert jegen den voirs(creven) gerart van crehain vanden
//
xii[te(n)] dage van aprille lestlede(n) eene(n) t(er)mijn van drie jare(n) lang/ deen na dande(r) sonder middel volgen(de) elcx jaers d(aer)enbi(n)ne(n)/ om ende voe(r) twintich r(yns) guld(en) te xx st(uvers) stuc alle jare den/ voirs(creven) gerarde te betale(n) quol(ibet) ass(ecutu)[m] Ende is vorwerde en(de) ond(er)/ sproken dat de voirs(creven) gerard de crehain janne va(n) oppendorp/ binne(n) meys naestcomen(de) sal gheve(n) ende betale(n) tweehondert/ ende vijftich r(yns) gulden(en) inder w(er)de(n) voirs(creven) en(de) d(air) mede lossen/ ende quiten alsulken xx[v] r(yns) guld(en) lijftochte(n) ten live eniger/ der kijnde(re)n des voirs(creven) jans van oppendorp alse jan de/ blehain als principael henric de blehain zijn brued(er) jonch(er)/ librecht va(n) houthem hen zwagher en(de) gerard va(n) crehain/ als borghe hen verborcht [bekint] hebben met scepen(n) brieven va(n)/ loeven(en) dair op gemaect xiii dage in april anno xiiii[c] lxv/ Ende binne(n) den selve(n) tijde va(n) meye sal de voirs(creven) raes de(n)/ voirs(creven) janne van oppendorp betalen alle ach(er)stellige rinte va(n)/ des voirs(creven) is en(de) de(n) selve(n) gerard dair af lossen ende dat/ gedaen zijnde selen de voirs(creven) henric de blehain en(de) de zijne/ de voirs(creven) goede moege(n) lossen ende quite(n) aen de(n) voirs(creven) gerar/ de crehain binne(n) de(n) voirs(creven) tijde va(n) aprille lestlede(n) over/ drie jaer met te betale(n) ii[c] lxx r(yns) gulden(en) ind(er) weerde(n) voirs(creven)/ Ende oft des also niet en gesciet soe sal de voirs(creven) gerart/ van dan voirtaen voir he(m) zijn erve(n) en(de) nacomelinge(n) de/ voirs(creven) goede hebbe(n) houden ende besitte(n) tot ewige(n) daghen/ sonder dat he(m) die d(air) na ontquete(n) sele(n) moegen werde(n)/ blancart maes aprilis p(e)n(u)lt(ima)