Het zijn comen te rechte inde banc voir meye(r) en(de) scepen(en)/ van loven(en) wouter de smet en(de) jan casteleyns beide
//
van libbeke ter eender zijden en(de) willem van leefdale als procur(eur)/ jans de roide des jongen ter ande(re) om een half dachmale bosch/ gelegen te libbeke inden langendriesch dwelc de selve wouter/ en(de) jan versochten mits zeke(re)n reden(en) dair toe bij he(n) gealligert/ hen aenghewesen te worden oft dair af ter banc recht gere/ mitteert te wordden dair uut de sake te meer scouden getoge(n)/ hadde geweest Dair tegen de vors(creven) willem hem v(er)antwerden(de)/ dede lesen ond(er) den ande(re)n eene guedinge uuten beleide va(n)/ loven(en) dair mede her gielis wilen de roide des vors(creven)/ jans sroiden oem inden jare van xxxiii junii xv bij henr(icke)/ de smet gegoet wert in div(er)sen porceelen van goeden te/ libbeke gelegen en(de) thalf dachmale bosch d(air)inne begrepe(n)/ gelegen inden langendriesch tusschen deeusel gelegen gielis/ oeghe en(de) dbosch jans smeets aldair Vollesen zijnde bekinde/ opembairlic de vors(creven) wout(er) en(de) jan dat dat selve goet was/ dair die questie af was ende dair na dede de voirs(creven) willem/ sustine(re)n bij diversen reden(en) bij hem gealligeert dat de voirs(creven)/ wederp(ar)tie met hue(re)n voirs(creven) versueke verdoolt wae(re) Alsoe/ dat na aensprake en(de) verantweerden van beiden p(ar)tien en(de)/ des voir verhaelt is de scepen(en) van lov(en) ter manessen/ smeyers setten die sake met hue(re)n vonnisse inden hof dair/ tselve goedt gelegen is om aldair rechts te gheven en(de)/ te nemen cor(am) scabinis in scampno ap(ri)lis xvi