Item vander questien en(de) gescille uutstaende tusschen he(re)n henricke/ bandolet prieste(r) in deen zijde teghen jasp(eren) boden cleermake(r) van/ graven in dande(re) van zeke(re)n worden die de voirs(creven) jasp(er) gesproken/ soude hebben tot den vors(creven) he(re)n henricke zijnd(er) eeren aengaende/ en(de) des dair aen cleeft hebben hen de voirs(creven) p(ar)tien gesubmittert/ en(de) verbonden in segge(re)n en(de) vriendelike effene(re)n Te weten(e)/ de vors(creven) her henric in he(re)n janne prochiaen te beertze priest(er)/ en(de) ja(m)mair polet en(de) de vors(creven) jasp(er) in willem(me) van quarlemont/ den jonghen en(de) janne damijne In sulker vueghen dat/ de voirs(creven) segge(re)n de sake verstaen sullen tallen sijden ende/ thoenesse dair op gehoert ofs behoeft hue(r) uutsprake/ dair aff doen zullen bynnen vi weken naestcomende/ promitt(entes) rat(um) Behalven oft zijs niet eensenworden/ dat zij dan neme(n) zullen eenen overma(n) die/ zijn uutsprake d(air) af doen sal bynnen den selve(n)/ tijde En(de) oft p(ar)tien segge(re)n gebrake(n) dat zij altijt ande(r)/ ghelike neme(n) sullen moghen in die stat cor(am)/ meldert blanck(art) junii iiii