Allen den ghenen die dese l(ette)ren sullen sien oft horen/ lesen burgermeeste(re)n scepen(en) en(de) raide d(er) stat van loven(en)/ saluyt Doen cont en(de) te weten(e) dat opden dach datu(m)/ van desen voir ons comen is jan de herttoge sone/ wilen gheerts wederroepen(de) en(de) te nyeute doende met/ desen alle ande(r) mechticheiden en(de) procuracien die hij/ anderwilen gedaen en(de) gegeve(n) [heeft] woute(re)n boone oft yemand/anders en(de) heeft geconstitueert gesedt volcomen macht/ procuracie en(de) auctoriteit gegeven everarde van roesen/ dale sone wilen jans alle zijn saken questien en(de) gescillen/ als hij uutstaende heeft oft namaels uutstaen(de) sal hebben/ tegen wat p(er)sonen dat dat zij alle zijn goede beruerlic/ en(de) omberuerlic die hij liggende heeft tot esemale/ en(de) dair omtrent [Te bescudden en(de) te bedingen] zijn renten pachten chijse en(de) sculden/ die men hem sculdich is oft namaels sculdich sal wesen/ te vervolgen te manen teysschen opte boren en(de) tontfangen/ te wynnen te verliesen dair voir te panden te dagen/ rastementen te doen leggen die texeque(re)n voir alle/ gerichten gheestelic en(de) weerlic getuygenesse ofs behoeft/ te leiden d(er) wederp(ar)tien getuygen te sien zweren die/ te batteren en(de) hue(r) deposicie(n) te wederleggen te replice(re)n/ te duplice(re)n also wale int principael als int accessoir/ also dicwille en(de) menich werven als des behoeven sal die/ omberuerlike goede te verpachten en(de) met jairscharen/ uuttegheven den sculders te quiteren en(de) met jair/scharen volcomen quitancie te gheve(n) en(de) vortaen general(ic)/(et)c(etera) p(ro)mitt(ens) rat(um) salvo iusto calculo junii sexta