Na dat anthonis ende jan bezuts voir hen en(de) inde(n) name/ vander weduwen ende erfgenamen bezuts wilen bezuts/ ende de voirs(creven) anth(onis) als p(ro)cur(eur) vanden erfgename(n) daneels/ wilen boba op heden versocht hebben recht en(de) execucie/ van zeke(re)n acten tanderen tiden gepasseert bij enige (com)missar(issen)/ ons liefs gened(ichs) he(re)n en(de) zeke(r) gedeput(er)de vander stad raide/ van loeven(en) bij inhouden vanden welken meester felix de/ hont meester vander rekencame(re)n ons gened(ichs) he(re)n en(de) de/ weduwe wilen absoloens rekeni(n)ge souden doen van alle(n) de(n)/ goeden barth(elmee)us wilen alpher wissele(r) d(air) af de voirscr(even)/ meester felix na begrip der selver acten dontfa(n)c hadde(n)/ gehadt also zij seyden ende mainten(er)den Ende voirt dat/ hen worde overgegeven copie vanden wisselboeke des voirs(creven)
//
barth(elmeeus) ende inventar(is) van zijne(n) goeden have en(de) erve om hen/ dair na te vuegen hopende bij alrehande reden(en) die zij d(air) toe/ alleg(er)den dat hen dat alsoe sculdich ware te geboe(re)n Dair op/ de voirs(creven) meester felix voir hem ende de voirs(creven) weduwe seyde/ dat hij bereet ware zijn rekeni(n)ge te doene ende die over/ te geven bij alsoe dat de voirs(creven) gebruede(r) en(de) hue(r) medepleg(er)s/ oec rekeni(n)ge daden van des van barth(elmeeus) goede in huers vaders/ singuliere(n) p(ro)ffite ware gecomen ende mede de rente va(n) hondert/ ende xli guld(en) (et)c(etera) dair inne de greve van salme(n) gegoet ware/ hopen(de) bij zeke(re)n reden(en) die hij oec d(air) toe seyde dat dat also/ sculdich ware te gescien Ende vanden cop(ie) vanden wisselboeke/ ende inventar(is) vanden goeden oft sculden des voirs(creven) barth(elmeeus) seyde/ de voirs(creven) m(eester) felix dat die waren ond(er) de stad en(de) des de/ stad dair inne dade in besorghe va(n) elcx rechte des gedroech/ hij hem tot der selver stad Es geappointeert bij de(n) selve(n)/ raide om grootheit d(er) saken en(de) om d(air) inne sekerlijc met/ rechte te moege(n) p(ro)cede(re)n dat de voirs(creven) anth(onis) ende zijn/ medepleg(ers) hu(er)e begh(er)te en(de) (con)clusie met alle(n) redene(n) d(air)/ toe dienende bij hen geallegeert selen stellen t(er) me(m)orie(n)/ in gescrifte en(de) dat ov(er)geve(n) in handen vander stad op dijsd(age)/ naestcomen(de) Dair af de selve stad den voirs(creven) m(eester) felix ter/ stont sal adv(er)teren te dien ynde dat hij zijn reden(en) ende/ meyni(n)ge bij hem gealleg(er)t dair jege(n) sal oec stelle(n) in gesc(ri)fte/ ende dat oec overgeven den rade vander stad teenen/ daghe diemen dair toe stellen sal Dair af men den voirs(creven)/ anthonise ende zijn medeplege(re)n oic adverte(re)n sal om alsoe elx/ voirneme(n) geweten inder saken bij de(n) rade vand(er) stad te/ werden voirt geappointeert des na gelegenth(eit) ende goeder/ justicie(n) behoiren sal sept(embris) sexta