Item den dach van rechte die op heden diende tusschen/ jacope de gheytere als procu(reu)r m(ijns) he(re)n va(n) s(in)te mychiels/ tantwerpen in deen zijde ende anthonise vander/ wijct henricx sone was in dandere hebben de selve/ partien uutgesedt in state also die nu steet tot/ des dijssendaighs nae onser liever vrouwen dach/ lichtmisse naestcomende om alsdan te diene(n) gelijc/ hij op heden gedient soude hebben Ende de voirs(creven)/ anthonijs heeft gelooft op den eedt voe(r) bij hem/ tot desen gedaen ten selven daghe inde vierschare/ alhier te loeven(en) te comen en(de) rechts pleghe(n) op dat/ de minne hierenbinne(n) niet en breict blanckart dor(ma)le/ sept(embris) xii