Alsoe int recht voir meye(r) ende scepen(en) van loven(e) onlanx come(n)/ zijn henr(ic) maes van molenbeke als aenlegghe(r) in deen zijde/ en(de) her jan va(n) hugarden p(ri)ester v(er)weerde(r) in dande(re) Aldaer de/ voirs(creven) henr(ic) dede lesen een seker vo(n)nisse bij scepen(en) va(n) lov(en)/ uuytgegeve(n) vier arbit(er)s va(n) beyde de(n) voirs(creven) p(ar)tie(n) ghenomen/ welke(n) vo(n)nisse navolgen(de) de voirscr(even) henr(ic) meynde dat hij de(n)/ voirs(creven) he(re)n janne vander huering(en) die hij he(m) gheeyscht hadde/ va(n) xi jare(n) als van eene(n) bempde te molenbeke geleg(en) lijcoep/ eeussel geheete(n) genoech gedae(n) hadde bezundert vande(n) yersten/ acht jare(n) mids de(n) eede bij he(m) en(de) zijne(n) wive gedae(n) Ende alse/ vande(n) ande(re)n lesten drie jare(n) d(aer)op hadde hij bewijse betaelt/ te hebbe(n) gelijck als tvoirs(creven) vo(n)nisse cleerde thien stuv(er)s daer/ claes dierix ende henr(ic) steenbeex bij ware(n) desgelix va(n) chise/ veerthien brasd(enieren) en(de) negen(en)twintich stuv(er)s betaelt inde kercke/ te molenbeke Seyde voirts dat hij twee p(ri)este(re)n int vo(n)nisse/ gecleert van des voirs(creven) he(re)n jans weghe(n) oick van seke(re)n so(m)men/ betalinge hadden gedaen nae uuytwise(n) vande(n) quitan(cien) die d(aer)af/ ware(n) en(de) die hoepte hij oick dat hem ter cortinge(n) aende selve
//
leste drie jare(n) come(n) soude(n) ende gedroech hem totte(n) selven/ p(ri)este(re)n dat zij die betalinge(n) der selver quitan(cien) alsoe hadden/ gehadt Seyde voirt de selve hen(ric) maes dat hem aende/ voirs(creven) drie leste jare(n) nae uuytwijsen desselfs vo(n)nisse betaling(e)/ make(n) soude drie p(ar)tien hier nae v(er)cleert te wete(n) xviii st(uvers)/ die betaelt wardden d(aer) henr(ic) steenbex bij was neghen scot(er)s/ die he(n)r(ic) va(n) schoelandt te meest(er) jans huyse betaelde ende/ noch twee brasd(enieren) van lijcoepe gegeve(n) het en zij dat de/ selve her jan hem met eede ontsculdige(n) wilt de selve p(or)cele(n)/ niet ontfange(n) te hebbe(n) En(de) dat geschiet p(rese)nteert de voirscr(even)/ henr(ic) maes voirtmeer voirt te vare(n) navolgen(de) den voirs(creven) vo(n)nisse/ Op welke pointe(n) de voirs(creven) her jan hem v(er)antwerden(de) allig(er)de/ div(er)se pointe(n) bijden welke(n) hij meynde dat de voirs(creven) he(n)r(ic) maes/ v(er)doelt wae(re) en(de) sunderlinge seyde hij al wae(re) e(n)nige betalinghe/ va(n) desen pointe(n) gesciet dat wae(re) gebuert op en(de) vande(n) yerste(n) acht/ ja(r)en bij welk(en) reden(en) en(de) meer ande(re)n hij hoepte vander/ ae(n)sprake(n) en(de) vortsette des voirs(creven) henr(ix) ongehoude(n) te wsen/ wesen Soe wert gewijst hier op bijde(n) he(re)n scepen(en) va(n) loven(e)/ wair de voirs(creven) her jan zijn onschout vande(n) drie leste(n) pointe(n)/ en(de) navolgen(de) de(n) vo(n)isse [dade] dat hij d(aer) mede van dien gestae(n) soude/ Voirt beg(eer)den de scepen(en) de twee p(ri)este(re)n die de quitan(cien) gegeve(n)/ hadde(n) te hoire(n) en(de) d(aer)entende(n) recht cor(am) scabinis in sca(m)pno/ nove(m)br(is) xxviii