Nae dien dat jan leerse met rasteme(n)te behoirlijc na des(er) stad/ recht gevolcht heeft met drie genechten op alsulken pe(n)ni(n)ge/ oft sculden als ja(n)nes va(n) cuggenbosch sculdich mocht zijn weyne/ meys voir alsulken drie cronen te xxv st(uvers) tstuc v stuv(er)s en(de)/ drie mol(evate) erweten alse de selve weyn den voirs(creven) janne leerse/ sculdich was Soe is comen de selve jan leerse inde banc voe(r)/ meye(r) ende scepen(en) van loeven(en) Ende heeft navolgende de voirs(creven)/ vervolge trecht versocht ende de scepen(en) gemaent te hebben(e)/ hoe hij tot zijne(n) gebreke aende voirs(creven) becom(m)erde schult/ geraken soude na dat hij vanden voirs(creven) zijne(n) vervolge be/ hoerlijc heeft doen bliken mette(n) vorste(r) Welke scepene(n)/ dair op gemaent zijnde wijsden dat de voirs(creven) jan leerse/ zijn schult verificere(n) soude met zijnre eedt also dat hij/ dat heeft gedaen op de voirs(creven) somme va(n) iii crone(n) v stuv(er)s/ ende drie mol(evate) erwete(n) Ende darentinden de scepen(en) voirt/ gemaent wijsden dat de(n) voirs(creven) janne leerse de voirscr(even)/ schult oft pe(n)ninge die jan cuggenbosch den voirs(creven) weyne/ sculdich was volgen soude voir zijn gebrec voirs(creven) mette(n) coste(n)/ van rechte dair op geloepe(n) Bij alsoe waert dat dair overde/ dat hij dat den selve(n) weyne wederkeere(n) soude en(de) gebrake/ dair dat hij dat voirt verhale(n) soude moege(n) met rechte/ p(rese)ntib(us) scabinis in scampno de(m)pt(is) py(n)noc vync julii xiiii