Allen den ghenen die dese l(ette)ren sullen sien oft horen lesen/ burgermeeste(re)n scepen(en) en(de) raide d(er) stat van loven(e) saluyt/ doen cont en(de) te weten(e) dat opden dach dat(um) van desen voir/ ons comen zijn gort retheman [en(de)] goessen tybe rentmeest(ere)n/ te deser tijt der stat van loven(e) en(de) als mombo(r)en des goeshuys/ vander drivuldicheit gelegen inden langenbruel te loven(e)/met viii en(de) hebben met onsen consente gestelt en(de) gemaict/ des voirs(creven) godshuys meye(r) te wesen te holsbeke steven(e) van/ gheele van holsbeke En(de) den selven steven(e) vort mechtich/ gemaect procuracie en(de) auctoriteit gegeven om alle des/ vors(creven) godshuys goede chijse renten erfpachten en(de) sculden/ tontfangen opteboren en(de) te heffen dair voir te panden/ te daghen rastementen te doen legghen die texeque(re)n/ voir alle gerichten gheestelic en(de) weerlijc den sculd(eren)/ te quite(re)n en(de) volcomen quijtancie te gheven getuygen te/ leiden d(er) wederp(ar)tien getuygen te sien sweren die te batte(re)n/ te replice(re)n te duplice(re)n also wel int principael als int/ accessoir also dicwille en(de) menichwerven als des behoeve(n) sal/ Promitt(entes) rat(um) salvo iusto calculo nove(m)bris vii