Allen den ghene(n) (et)c(etera) doen cond ende te weten(e) dat voir ons/ come(n) zijn in prope(re)n p(er)sone jonch(e)r lyebrecht hee(re) te meldert/ en(de) te buedinge(n) (et)c(etera) nu tertijt borg(er)meest(er) te loven(e) dien in voirleden(en)/ jae(re)n naede heerlich(eit) ons gened(ichs) he(re)n en(de) den rechte der stadt van/ loven(e) met rechte gelevert en(de) in handen gestelt zijn alle de goede/ en(de) rinte(n) die toetebehoire(n) plage(n) willem(me) wile(n) va(n) criefcourt te / wave(re) en(de) daeromtrint gelegen voir tgebreck va(n) xx rijders/ erfrinte(n) ter quitinge(n) die de selve jonch(e)r lyebrecht als man ende/ momboir joufffr(ouwen) katlijne(n) dochter he(re)n lodewijx wile(n) pynnocx/ zijns wijfs aende selve goede met scepen(en) brieve(n) van loeven(e)/ houden(de) es Ende wouter van vlaende(re)n die oick op seke(re) goede/ desselfs wijlen willems van criefcourt te wave(re) en(de) dairomtrint/ geleg(en) met scepen(en) brieve(n) van jonge(re)n date dan de brieve/ des voirs(creven) jonch(e)r lyebrechts houden(de) es een erfrinte va(n) xxv/ clinckarts tsjaers ende vijf mudde corens wav(er)ssche mate in/ Ende hebben tsame(n) ende elc hue(re)r bezundert soe v(er)re alst hem/ aengaen mach volcomelijck ghemechticht procu(r)acie en(de) auc(tori)teyt/ gegev(en) henr(icke) van vlaende(re)n des voirs(creven) wout(er)s sone anthonijsse/ robbijns janne del fosse en(de) noele rigault alle drie wonen(de) te/ wave(re) en(de) elke(n) van hen bezundert bringer des(er) l(ette)ren Om de/ voirs(creven) rinte(n) aende onderpande dair die op stae(n) oft de besitte(re)n/ der selv(er) opte heffen te bue(re)n en(de) tontfange(n) d(aer)af quitancie/ te gheve(n) voir gebreck d(er) selver te pande(n) te daige(n) ende
//
alle ande(re) rechtvorderinghe te doene die de voirs(creven) jonch(e)r/ lyebrecht en(de) wouter oft deen van hen des(en) aengaen(de) soude/ moege(n) doen p(ar)tien dien de sake moige(n) aengae(n) hieraf en(de)/ van al des desen aencleeft te bedingen d(aer)inne te doene/ wynne(n) ende te verliesen Ende g(e)n(er)alijck en(de) spe(cia)lijck al/ tghene and(er)s d(aer)inne te doene ende te vorde(re)n des de voirscr(even)/ jonch(e)r lyebrechts en(de) wout(er) tsame(n) oft elc bezundert souden/ moege(n) doen (et)c(etera) Promitt(entes) rat(um) salvo iusto calculo et/ bona soluc(i)one nove(m)br(is) xxvii