It(em) de vors(creven) henric heeft geconstitueert gesedt volcomen macht/ p(ro)curacie en(de) auctoriteit gege(ve)n den vors(creven) janne van belle Alle sijn/ saken questien en(de) gescillen die hij alsnu uutstaen(de) heeft oft naemaels/ hebben soude moigen voir wat gerichte geestelic oft weerlic dat/ dat ware oft gescien mochte Alle sijn goede rinte(n) pachte(n) sculde(n)/ opcomi(n)gen p(ro)fite(n) vervalle(n) Te verwaren te mane(n) teyssce(n) op te bue(re)n/ te ontfang(en) tot dat hij gelost en(de) ontslag(en) sal sijn vand(en) borchtocht/ vors(creven) en(de) alle coste(n) d(aer)op loepen(de) (et)c(etera) in meliori for[ma] salvo iusto calculo/ cor(am) eisd(em)