Item vanden gedinghe dat geweest is inde banc voir meye(r)/ en(de) scepen(en) van loven(en) tusschen gertruden vanden driessche/ ter eend(er) zijden en(de) woute(re)n van breetzijp ter ande(re) Alse/ van eend(er) coyen die de voirs(creven) gertruyt vercocht hadde/ den voirs(creven) woute(re)n voir vier clinckarts en(de) vijf stuvers die/ hij hair gelooft hadde te betalen ter stont na dat hij de selve/ coye vercocht soude hebben dair af dat zij hem den eedt/ deylde te gheven oft te nemen p(rese)nterende vort te thoene(n)/ dat de selve coye bijden voirs(creven) woute(re)n vercocht was des/ leden is omtrent een jair hopen(de) wair de voirs(creven) jan/ den eedt niet aen en nympt en(de) zij dien selve nympt dede/ dat hij dan gehouden soude zijn hue(re)n eysch gelijc vors(creven)/ steet op te leggen en(de) te betalen Op dwelc de voirs(creven)/ wout(er) hem verantweerde ontkinde de voirs(creven) scult en(de) den/ coep aennemen(de) den voirs(creven) eedt en(de) ten dage van rechte/ dair toe gestelt noch oic ten naesten vervolgen(de) dage/ de voirs(creven) wout(er) niet en compareerde mits welcken verstrike/ de scepen(en) gemaent wijsden datmen den voirs(creven) woute(re)n
//
op een nyeuwe dach doen zoude dwelc dair na bijden/ vorste(r) geclaert wart gesciet te zijne wart gewijst ten uut(er)ste(n)/ bijden scepen(en) van loven(en) ter manessen smeyers wair de vors(creven)/ wouter niet en quame en(de) den eedt navolgen(de) zijnen aen/ nemen ten opstane smeyers en(de) der scepen(en) wair de/vors(creven) wouter en dade dat hij dan der voirs(creven) gertrude(n)/ gehouden zijn soude hue(re)n vors(creven) eysch te voldoene/ p(rese)ntibus roel(ants) opp(endorp) canverson heykens aug(usti) xxvii