Item joes messuens rijcleerverwe(r) heeft gelooft hubrechte de/ pape en(de) pete(re)n beyart clerc aut alt(er)i derthien en(de) eene(n) halven/ rinsche guld(en) te twintich stuv(er)s tstuc tusschen dit en(de) sint jans/ messe bap(tis)[te(n)] naistcomen(de) te betalen oft zesse weken dair nae/ ombegrepe(n) als v(er)reycte schout totter afquiting(e) van eenen/ leen lijfpen(sien) aen janne boxhoren met vorweerd(e) ene(n) verve dat/ den voirs(creven) joese goede guedinghe en(de) vestich(eit) gedaen wort vand(en)/ huyse geleg(en) inde scepstrate dat dan toebehoire(n) plach lodewijke(n)/ wijlen willemair dair de selve lodewijc uut starf Dwelc de/ selve joes gecocht heeft tegen lodewijke(n) willem(air) sone des voirs(creven)/ wijlen lodewijcx en(de) nyet voird(er) Want in dien gevalle oft/ die guedinge niet en gesciedde soude dese gelofte v(er)smelten/ en(de) te nyeute sijn Ende in des voirs(creven) es hebben de voirs(creven) lodewijc/ renu(n)c(ians) en(de) vranc willemair sijn oem huer (con)sent gedrag(en) en(de)/ den voirs(creven) joese toegeseecht dat de voirs(creven) xiii(½) r(insche) gul(den) hem/ cortte(n) sullen aende afquiti(n)ge van eene(n) rijde(r) te xxvii st(uvers) erflic/ die de selve joes sijn vestich(eit) vand(en) voirs(creven) huyse hebben(de) ter stont/ afquiten moet Behalve(n) nochtan dat des(er) geluften nyet tegenstaen(de)/ die voirs(creven) peter en(de) huben aut alt(er)i hen altijt sullen moige(n) behulpe(n)/ alst hen gelieft om betalinge te hebben vand(er) gelofte(n) hen gedaen/ bijde(n) voirs(creven) lodewijke vrancke(n) en(de) katlijne(n) van werchte(r) julii xiiii/ lestlede(n) voir scepen(en) van loven(e) borch heykens oct(obris) xxii