It(em) jan van ost als procur(eur) meest(er) jans drabbekier als ae(n)legg(er)/ ter eender zijden en(de) willem van haesdonck voirspreke die/ ghemechticht was om tvo(n)nisse teysschen(e) bij janne robbijns/ als voirt ghemechticht van he(re)n henr(icke) va(n) bout(er)she(m) (et)c(etera) t(er)/ ande(re) hebben dach van thoene(n) in wederzijde genome(n) dair/ zij bij scepen(en) vo(n)nisse toegewijst ware(n) op van hede(n) in/ xiiii nachte(n) naestcomen(de) te mistijde cor(am) heykens cav(er)choen/ nove(m)br(is) xix