Item jan van leest schoenmake(r) woenen(de) te grymberge(n) in p(rese)ncia/ vande(n) bourgermeeste(re)n scepen(en) en(de) raide d(er) stat va(n) lov(en) heeft opem/ bairlic geconsenteert en(de) gewillecort dat steven de verwe(re) oic/ schoenmake(r) woenen(de) te bruessel van nu vortaen jairlix te kersmesse/ heffen en(de) trecken sal drie jair lanc eemp(er)lic v(er)volgen(de) van/ alsulker lijftochten als de selve jan van leest van wegen alijten/ edelhee(re) sijns wijfs heffen(de) is Insgelix te kersmesse altoes/ aen sijn swage(re)n he(re)n willem(me) et jacope edelhee(re) gebruede(re)n/ elx jairs drie ryns guld(en) te xx st(uvers) tstuc Ende die drie ja(r)en/ maken(de) ix r(yns) guld(en) gehaven sijnde sal de vors(creven) steven betaelt zijn/ gelijc hij gekint heeft van allet des de selve jan den voirs(creven) steven/ sculdich mach zijn in e(n)niger manie(re)n totten dage va(n) heden En(de)/ om hier toe te roepen comen heeft de voirs(creven) jan den voirs(creven) steven/ gegeven volcomen procuracie macht en(de) auctoriteit sond(er) e(n)nich/ wederseggen oft wederroepen dair inne te behouden de voirscr(even)/ ix ryns guld(en) ten prise als vo(r)e also bynnen den naesten drie/ kersmesse(n) Elx jairs drie ryns guld(en) ten yersten en(de) gereetsten/ van zijnd(er) voirs(creven) lijftochten aen zijn voirs(creven) zwage(re)n te heffen en(de)/ te trecken quitancie d(air)af te gheven en(de) allet ghene dair/ inne te doen dat de selve jan in p(er)sone soude mogen doen/ oft hij telcker tijt tegenwordich en(de) voir ogen wa(r)e Gelovende/ goet en(de) van weerden te houden dat hier af gedaen sal worden/ bijden voirs(creven) steven en(de) van desen den selven steven warant/ te sijn en(de) te bliven Want oft hij aldus vanden voirs(screven)/ ix r(yns) guld(en) ten voirs(creven) prijse niet betaelt en wa(r)e zoe bekint/ de selve jan van leest dat hij den voirs(creven) steven dair af/ sculdich is inne te stane en(de) met drie payment(e) te drie/ toecomen(de) kersmesse te voldoen p(rese)ntib(us) ouderogge burg(imagist)[ro]/ heyken caversoen febr(uarii) iii