Item vander questien die voir den raide vand(er) stat quam/ tusschen hubrechte de ruyssche in deen zijde en(de) jacope/ van nuesberge in dande(re) van zeker scult die de selve/ hubrecht den vors(creven) jacope hyesch als voir hem borchtocht/ betaelt te hebben welcker schout de selve jacop meynde/ ongehouden te wesen mits eender amen wijns die de/ voirs(creven) hubrecht kynde dat hij vanden selven jacope hadde/ gehadt En(de) mits ix ryns guld(en) die arnt slootmake(re)/ teghen de scove den voirs(creven) jacope met scepen(en) brieve(n)/ van loven(en) sculdich was welcken brief de selve jacop/ den voirs(creven) hubrechte soude overgheven dair de selve/ hubrecht zijn consent inne hadde gedragen Wert/ getermijneert bijden raide vand(er) stat na reden(en) van/ p(ar)tien dat de voirs(creven) hubrecht metten overgheven/ vanden voirs(creven) brieve en(de) den aenverden vand(er) voirs(creven) ame(n)/ wijns vander voirs(creven) schout te vreden zoude wesen/ Behoudelic oft de voirs(creven) arnt oft de zijne hen vand(er)/ selver schout met rechte conste ontslaen die niet/ doeghdelijc te wesen oft datse die den vors(creven) jacope/ niet sculdich en waren dat dair af de vors(creven) jacop/ den vors(creven) hubrechte innestaen sal Actu(m) in pleno/ consilio aug(usti) xxi