It(em) den dach van rechte die voermaels opde(n) xxvii dach/ aug(usti) lestleden diende tusschen arnde hanckart t(er) eender zijde(n)/ en(de) ja(n)e nijs t(er) ande(re) ald(aer) p(ar)tie(n) alsdoe(n) int beginsel questie/ hadde(n) om janne van udekem voerspreke wien van beyd(en) hij/ diene(n) soude mids dat elc meynde dien yerst gheeyscht te/ hebbe(n) en(de) hij met vo(n)nisse bliven moeste om te diene(n) de(n) voirs(creven)/ arnde en(de) d(aer)nae die sake geco(n)tinueert w(er)t en(de) uutgestelt in/ state eene(n) tijt alsoe dat blijct int register der scep(enen) vand(en)/ voirs(creven) date Es bij beyder p(ar)tien consente verlingt geco(n)tinueert/ en(de) uuytgestelt in state soe dien alsdoen stont tot va(n) morge(n)/ over acht dage(n) naestcomen(de) te mistijde om alsdan te dienen/ soe hij alsdoen gedient soude hebben cor(am) roelants borch sept(embris)/ xxiii