Item want de voirs(creven) jan blocscoen seecht dat hem met sijnen/ wive in huweliker vorweerden voermaels toegeseecht es/ bij wijlen willem(me) de pont sijnen zweer dat nae desselfs wille(m)s/ en(de) sijns wijfs doot des voirs(creven) jans blocscoens en(de) sijns voirs(creven)/ wijfs gedeelte vanden erfliken goeden die vand(en) selve(n) willem(me)/ en(de) sijne(n) wive bliven soude(n) weerd soude sijn jairlix xvi/ mudde(n) corens maten van loven(e) Soe es vorweerde wairt/ datmen bevonde ter wettig(er) waerheit dat hen die gelufte/ nae recht alsoe gesciet wa(r)e dat dan dande(r) kinde(re) voirs(creven)/ hem voldoen souden tgheene desmen bevinden soude dat sijn/ kinsgedeelte voirs(creven) arg(er) ware dan de voirs(creven) xvi mudden/ corens loeven(sche) maten eisd(em) Ende oftmen oic bevonde/ dat de voirscr(even) jan blocscoen met sijnen wive vanden vors(creven)/ wilem(me) sijnen zweer oft sijne(n) wive e(n)nige goede gehad/ hadden dair eenich vand(en) ande(re)n kinde(re)n niet tegen en/ hadde gehadt en(de) die de selve blocscoen oft sijn wijf/ sculdich waren nae recht inne te bringen dat zij dat/ nae recht inne bringhen selen ende den ande(re)n dair tegen/ tgelike doen oft en(de) laten hebben eisd(em)