Item achtervolghende den compromisse gepasseert voir scepen(en)/ van loven(e) octobris xvi lestleden tusschen he(re)n janne van beringen/ canonc sinte peters te loven(e) ter eend(er) zijden ende arnde/ vand(er) berct ter ande(re) hebben arnoldus kyp en(de) gerart/ van baussele secretar(is) d(er) stat van loven(e) als seggers vande(n)/ voirs(creven) p(ar)tien gecoren hue(re) eendrechtighe uutsprake gedaen/ in tijden en(de) wilen de selve submissie vermochte opde/ gescillen tusschen hen uutstaende d(air) af de voirs(creven) submissie/ mencie maect inder manie(re)n hier na volghende
//
Te weten(e) dat den voirs(creven) arnde van nu vortaen achtervolgen(de)/ zijnder leveringen die hij heeft vanden goeden te/ nederijssche alst bllijct bijden vonnisse staende onder meest(er)/ janne callaber septembris x lestleden de selve goede/ aenverden sal en(de) van nu vortaen besitten ombeledt vand(en)/ voirs(creven) her janne en(de) betalen dair uut den co(m)mer van/ oudts dair uutgaende en(de) dair toe den selven he(re)n/ janne jairlix inde stat van he(re)n rase de rijke alsulken/ acht mudden corens als de selve her raes tzijnen/ live d(air)op heeft verpant van oude(re)n date dan/ de rente des vors(creven) arnts Ende dair toe een/ mudde rox d(er) maten van loven(e) te loven(e) gelevert/ oic jaerlix due(re)nde dit also lange als de selve her/ raes en(de) des vors(creven) arnts wijf beide leven zullen/ En(de) dat mudde corens voir cost last en(de) verlies/ dat de vors(creven) her jan gehadt mach hebben eenen/ tijt van jae(re)n int onderhouden der reparacien/ vanden hove totten voirs(creven) goeden ho(r)ende Ende/ so saen deen vand(en) voirs(creven) he(re)n rase oft arnts wijve/ aflivich sullen zijn dan sal elc vand(er) p(ar)tien/ staen op sijn beloep van rechte tegen alle ande(re) vand(er)/ hanteringen die zij oft e(n)nich van hen vanden/ vors(creven) goeden mogen hebben gehadt zond(er) nochtan/ dat zij deen ten ande(re)n weert om d(er) selver hant/ teringen wille e(n)nige aensprake oft ticht te behoude(n)/ Es vort hue(re) segghen dat de vors(creven) her jan/ hem doeghdelijc cleren sal vand(er) gelegenth(eit) d(er)/ vors(creven) goede en(de) d(er) last dair op staen(de) en(de) die den/ voirs(creven) arnde tzijnen behulpe die overgheven/ in gescrifte cor(am) roel(ants) caverson nove(m)bris xii