Het sijn comen in rechte voir meye(re) en(de) scepen(en) van loeven(e)/ mathijs mychiels vleeschouwe(r) die nae den rechte der stat van/ loeven(e) uut machte van scepen(en) brieven van loeven(e) spreken(de)/ van vier en(de) eene(n) halven mudde(n) corens lijfpen(sien) geleit is tot/ allen den goeden have en(de) erve arts wijlen van thienen/ vleeschouwers in deen zijde en(de) meester dierix bouts der/ stat meester scilde(r) als man en(de) mo(m)boir lijsbetten van voshe(m)/ weduwe jans wijlen van thiene(n) sone des voirs(creven) wijlen/ arnts welc wijlen jan van te voren lange eer de voirs(creven)/ mathijs nae der stat recht van loeven(e) voe(r) grote so(m)men/ hem biden vors(creven) arnde sijne(n) vader bekint beleit was tot/ allen den goeden have en(de) erve desselfs arnts hebben(de) de/ brieve in sijne(n) handen en(de) machte en(de) sijnde onder tijtel/ der selver brieve in possessien en(de) gebruycke der selver/ goede in dande(re) Dair de vors(creven) mathijs voirstelde dat/ hem aende goede des voirs(creven) wijlen arnts te weten/ namelic aen twee huyse neve(n) een gelegen inde slach/ strate neve(n) de goede desselfs mathijs achter den selven/ arnde bleve(n) zijn voirs(creven) p(ri)ncipael iiii(½) mudde(n) corens ende/ den v(er)loepen(en) pacht van vie(re)ntwintich ja(r)en volgen soude/ aende voirs(creven) goede desselfs wijlen arnts en(de) sculdich wa(r)e/ te volgen want hij p(rese)nteerde bij sijnder eed sijn voirscr(even)/ brieve en(de) v(er)loepen pachte te verifice(re)n Dair op de/ voirs(creven) meester dieric inden name als vo(r)e hem v(er)antweerd(ende)/ hoopte dat die aensprake en(de) dat voirtstel des voirscr(even)/ mathijs hem tot gheend(er) ontstaden comen en soude want/ jan wijlen van thienen voirs(creven) zijn voirsete en(de) lijsbeth/ zijn wijf die hij nu getrouwt hadde grote so(m)men beyde/ van lijftochte(n) en(de) schatschoude mette(n) acht(er)stelle der selver/ lijfpen(sien) aen diverse p(er)soenen voir den voirs(creven) arnde betaelt/ hadde dair af hij een deel brieve inden rechte exhibeerde
//
ende versocht oic dat die ghene die de selve rinte ende schout/ ontfanghen hadden wordden verhoort Sustine(re)nde te(n) slote dat/ de selve lijsbeth zijn wijf metten voirs(creven) wijlen janne va(n) thiene(n)/ hue(re)n man in sijne(n) leven(e) en(de) oic [zij] nae sijn doot voir de(n) voirs(creven) wijle(n)/ arnde grote so(m)men van pe(n)ningen hadde(n) betailt wel beloepen(de)/ ter so(m)men eens van zessehondert rinsche guld(en) hopen(de) dat hue(r)/ en(de) hue(re)n scepen(en) brieve(n) huer voirscr(even) wettich gebrec zoe v(er)re/ de voirscr(even) lijsbeth dit bij hue(re)n eede verifice(re)n soude willen/ sculdich wa(r)e te volgen aende voirs(creven) goede p(rese)nte(re)nde die dair/ voe(r) als die met rechte aengewijst soude(n) zijn te exeque(re)n/ Hier op wart bijden he(re)n scepen(en) van loeven(e) informacie genome(n)/ en(de) wardde(n) diverse brieve die de vors(creven) lijsbeth en(de) meester/ dieric hue(r) man inden rechte exhibeerde(n) openbairlic gehoort/ Wardde(n) oic overhoort seke(re) p(er)sone(n) die vand(en) selve(n) brieven/ vand(en) voirs(creven) wijlen janne van thiene(n) en(de) lijsbetten zijne(n) wive/ betalinge der selver brieve hadden gehadt die des gestonden/ Ende alsoe wart ten uut(er)sten nae vele alt(er)cacien van p(ar)tien/ geweesen ter manissen smeyers met vo(n)nisse van scepen(en) dat / den voirs(creven) meester diericke en(de) sijne(n) wive de voirs(creven) goede/ des voirs(creven) wijlen arnts van thiene(n) uut machte van hue(re)n/ voirscr(even) scepen(en) brieve volgen soude tot behoif van hue(re)n/ wett(igen) gebreke zoe v(er)re de voirs(creven) lijsbeth dat bij eede soude/ verifice(re)n opde p(rese)ntacie des selfs meest(er) dierics cor(am) scabinis/ in scampno octobr(is) xix