Acht(er)volgen(de) den vo(n)nisse bij scepen(en) van loeven(e) gewesen op in/ dijssendaige lestleden te weten octobr(is) xix tusscen mathise/ machiels aenlegge(re) in deen zijde en(de) meest(er) diericken bouts/ man en(de) momboir lijsbetten van voshem sijns wijfs weduwe/ jans wijlen van thienen sone wijlen arnts verweerde(re) in dande(re)/ heeft de voirs(creven) lijsbeth op heden inder vierscharen dair de vors(creven)/ mathijs machiels tegewoirdich was hue(re)n eed lijflic aenden/ heilige(n) gedaen dat de vors(creven) wijlen arnd van thienen hue(r)/ zweer huer sculdich en(de) belang was en(de) in hue(re)n man wijlen
//
en(de) hue(r) gehouden doen hij starf en(de) huer noch opde(n) dach van/ heden in gebreke wa(r)e de so(m)me van sessehondert rinscher gul(den)/ en(de) meer sonder cost en(de) co(m)mer van desen gedinge Ende nae/ dat de voirs(creven) mathijs machiels den voirs(creven) eed bij zijne(n) voir/ spreke hadde gecalengeert bij reden(en) die hij meyndde dat/ voir hem dienden ende de voirs(creven) meester dieric gesustineert/ hadde dat sijn huysvrouwe den voirs(creven) eed te rechte ende/ acht(er)volgen(de) den voirvo(n)nisse hadde gedaen soe wijsden de/ vo(n)nissen der scepen(en) van loeven(e) ter maniss(en) smeyers dat de/ vors(creven) lijsbeth te rechte huers eedts was volcomen nyet/ tegenstaen(de) der opposicien des vors(creven) mathijs cor(am) o(mn)ibus/ scabinis in scampno octobr(is) xxi