Want willem van leefdale als p(ro)cur(eur) jouffr(ouwe) lijsbette(n) scoerbroets/ weduwe jans wijlen vand(er) meynartshoven comen en(de) geleid zij(n)de/ tot allen den goeden have en(de) erve everarts scoerbroots op den dach van/ heden als op verstreken(en) daige hadde doen dach doen henricke scoerbroet/ janne daneels vettewarier en(de) arnde meys den ouden die de selve/ goede om der afhendicheit wille des voirs(creven) everarts voir sekere/ schout hadde doen raste(re)n tot welken daige de vors(creven) p(er)sone niet/ comen noch gecompareert [en] sijn noch ande(re) van hue(re)n weghen Soe/ wijsden de he(re)n scepen(en) van loven(e) ter maniss(en) smeyers voir een/ vo(n)nisse datmen den vors(creven) willem(me) die alle daige van rechte/ gevolcht heeft vanden vors(creven) goeden houden soude inde macht va(n)/ zijnen beleide zoe v(er)re dat noch voir hen comen is cor(am) om(n)ib(us)/ scabinis dempt(is) langrode heykens febr(uarii) xiiii