Van alle(n) alsulken questien en(de) gescille(n) alse e(n)nichssins tot desen/ daghe toe alnoch ombeslicht uuytstaen(de) moge(n) tussche(n) goessen/ vande(n) ynde ae(n)legge(r) t(er) eender zijden en(de) henr(ic) reers t(er) ande(re) om/ zeke(re) steenlande(n) die zij malcande(re)n gedeilt moge(n) hebbe(n) en(de) voirt va(n)/ allet ghene des zij and(er)s deen totte(n) ande(re)n te segge(n) moge(n) hebbe(n)/ tot op hede(n) zoe v(er)re d(air)af gheen vo(n)nisse(n) geslage(n) en hebbe(n) hebbe(n)/ hen de selve p(ar)tien gesubmitteert in segge(re)n en(de) vriendelike yffene(re)n/ te weten de voirs(creven) goessen in gielijse de coni(n)ck en(de) de voirscr(even)/ henrick in arnde vande(n) eechoute in sulker vuege(n) dat elke p(ar)tie/ zijn geheele gebreke(n) der ande(re) p(ar)tien in gescrifte ov(er)geve(n) sal/ bynne(n) acht dage(n) naestcomen(de) en(de) dat elc opdes anders eysch zij(n)/ geheel v(er)antw(er)den ov(er)geve(n) sal bynne(n) acht dage(n) d(air)nae en(de) bynne(n)/ acht dage(n) d(air)nae selen de segge(re)n informacie en(de) cleernisse/ ofts behoeft inder sake(n) neme(n) en(de) bynne(n) viii dage(n) d(air)na hue(r)/ uuytsp(ra)ke inder saken doen op dat zijs eens zijn oft in gebreke/ van dien eene(n) ov(er)man d(air)toe neme(n) die bynne(n) acht dage(n) d(air)nae/ zijn uuytsp(ra)ke doen sal Promitt(entes) rat(um) en(de) oft e(n)niger p(ar)tie(n)/ segghe(re) gebrake ande(r) in die stat te neme(n) ende wes/ nyeuwe calangien innebracht mochte(n) worde(n) nade p(ri)ncipale ov(er)geg(even)/ gescriften voirs(creven) vander eender oft ande(r) p(ar)tie die en soude/ niet gheadmitteert worde(n) cor(am) langrode heykens m(ar)cii iiii