Nae dien dat op heden hee(re)n jan amelen joes lauwereys ende/ adriaen de gruyte(re) prieste(re)n capellane(n) der kercken van s(in)[t] pet(er)s te lo(v)en/ inden name vander distribucie(n) vanden capellane(n) der selver kercken/ als actie hebben(de) alsoe wel uuten testame(n)te jouffr(ouwe) lijsbette(n) wilen/ van loe geheete(n) vanden passe als uute(n) testamente hee(re)n arnts/ wilen kijnen priest(er)s ende gerardt van baussele voir hem selven/ ende als een vanden executue(re)n vanden testame(n)te der voirs(creven)/ wilen jouffr(ouwe) lijsbette(n) van loe in deen zijde mathijse van/ rode janne van ost van wege(n) zijns wijfs voir hen en(de)/ allen ande(re)n die hen souden moege(n) segge(n) te sijne ghericht/ oft erfgename(n) te wesen vander voirs(creven) wilen jouffr(ouwe) lijsbette(n)/ de welcke de voirs(creven) mathijs hier inne gelooft heeft te/ vervaen(e) in oft vand(en) goeden hier nae bescreve(n) [in dande(re)] te/ weten(e) inden yersten [in] thoff van meylhem alsoe als hem dat/ strecken(de) is vand(en) bossche van meylhem totten bossche van/ bevekem geheete(n) lombaerts bosch tusschen de goede des hee(re)n/ van elde(re) ende de goede scloesters vand(er) rameyen welck/ hoff gehouden werdt te leene van m(ijns) gened(ichs) hee(re) den hertoge/ van brabant It(em) [in] eene(n) beemt geheete(n) tcleyn roedeken houden(de)/ thien dach(mael) luttel min oft meer gelegen te testelt opte deme(r)/ gehouden te leene van gorde vanden berghe It(em) [in] twintich chijs/ guld(en) tstuc te xii stuv(er)s diemen te leene houden(de) is/ vanden hee(re) van diest ende den abt van s(in)t truden erfliker/ rinten aen en(de) op seke(re) goede ende pande geheeten/ tvulgoer oft daemsbroec gelege(n) inde prochie van scaffene(n)/ bij hazeldonc It(em) [in] den erfchijs metten pontgelde gelegen/ inde prochie van zichenen It(em) [in] vijf crone(n) erflijc op/ seke(re) onderpanden wilen godfroets van hoetbroecke/ nu der erfgename(n) lambrechts wilen van wynghe
//
It(em) [in] thien hollan(sche) guld(en) erfchijs opde goede hier nae volgen(de)/ te weten(e) ierst op een half boender beemps gelege(n) int/ laerbroec tusschen de goede jans coels ende de goede ja(n)nes/ naeldemans It(em) op een half boender ende tvie(re)ndeel van eender/ zillen beemps gelege(n) deen jaer int banthout ende dander jaer/ int weltbroeck rijen(de) alsoe metten priesters van sichene(n)/ It(em) op een huys ende hoff metten beempdeken(e) ende allen zijnen/ toebehoirte(n) soet gelegen is te zichene(n) aenden dijcmoelen neve(n)/ derve arnts van velmen It(em) op noch een heyde eussel groot/ zijnde een half boender luttel meer gelege(n) opter heyden dijck/ tusschen de goede henr(ix) kinde(re) van velme(n) en(de) gielijs boechouts/ It(em) op eene halve zille lants voir pasteels gelege(n) tusschen/ de goede vrancken gielkens en(de) jacop belcx It(em) op een half/ boender bosch inden scherpen hovel gelege(n) metten bossche(n) vrouwe/ carijs heylwijch roels ende jans van ghele van diest/ It(em) [in] een half mudde rocx erfl(ijck) aen een bloc wynnents lants/ toebeho(r)ende janne van ghele van diest gelegen inden/ zichen(en) wech aent cruys ald(air) It(em) [in] vijf zillen lants gelege(n)/ boven shee(re)n wijngaert van zichen(en) tusschen des heylichsgheests/ erve van zichene(n) te drie zijden It(em) twee halster/ rocx erfspachts aen een stuc wynnents lants gelege(n)/ neve(n) heylwich coels erve dat jouffr(ouwe) alyt va(n) bloemendale/ bloeme(n)borne houden(de) is It(em) [in] drie zillen lants gelege(n)/ bove(n) den maesbosch It(em) [in] alle ande(re) onberuerlike goede/ die hier niet genoemt en zijn ende men bevinden/ mochte dat die der voirs(creven) jouffr(ouwe) wile(n) lijsbette(n)/ van loe oft jouffr(ouwe) marien huer(er) moeder toebehoirt hadde en(de)
//
hen gesubmitteert hebben van alsulcken geschille als zij hadden/ om der selver goeden wille gebleven nae der voirs(creven) wilen/ jouffr(ouwe) lijsbetten en(de) wilen katlijnen en(de) lijsbetten hue(re)n wettige(n)/ kinde(re)n inde uutsprake van hee(re)n janne van beringhen cano(n)nic/ der voirs(creven) kercken van s(in)[t] peters te loeven(e) arnold(us) kyp pensionar(is)/ der stad van lo(v)en janne m(er)cels ende meest(er) janne lobbe/ secretar(is) der voirs(creven) stad Soe hebben de voirs(creven) segge(re)n eendrechtelijc/ op de voirs(creven) geschillen hue(r) uutprake gedaen inder manie(re)n/ hier nae volgen(de) Inden yersten dat de voirs(creven) capellane inde/ stad vanden legate hen gemaect bij wilen der voirs(creven) jouffr(ouwe)/ lijsbetten ende hee(re)n arnde kijnen hebben sullen vry ende/ los op alle de goede voirs(creven) der voirs(creven) wile(n) jouffr(ouwe) lijsbetten/ soe verre die den voirs(creven) mathijse ende zijne(n) adherente(n) met/ deser uutspraken aengesaet zijn de so(m)me van neghen ryns/ guld(en) te twintich stuv(er)s tstuck drie pl(a)c(ken) brab(ants) voir den stuv(er)/ erfliker rinten alle ja(r)e vallende te halfmerte met condicie(n)/ dat de besitters vand(en) goeden de voirs(creven) rinte sullen moegen/ lossen teene(n) male elcken pe(n)ning d(air)af met xviii d(enier)/ gelike ende met vollen rinten oft de selve rinte bewijsen/ op ande(re) goede loflike pande boven alle co(m)mer en(de) last/ dair uut gaen(de) [w(er)t sijnde] xiiii ryns guld(en) in gelijker weerden ende/ dat ten coste vanden ghenen die de bewijssenisse alsoe doen/ sullen Ende mids desen sullen de selve cappellane(n)/ gehouden zijn te doen(e) den dienst inder voirs(creven) jouffr(ouwe) lijsbette(n)/ testam(n)te gheruert nae advenant vand(en) voirs(creven) rinte(n) ende/ soe men costumelijc is inder selver kercken van s(in)[t] pet(er)s te/ doen(e) Item dat den voirs(creven) gerarde van baussele volgen/ sal dleen van meylhem met zijnder toebehoirten nae inhoudt/ der guedingen die hij d(air)af heeft onbelet van zijnder/ wederp(ar)tie(n) los van alsulcken vier mudd(en) corens erflijc
//
alse wilen besedt zijn opde goede int geheele der voirs(creven)/ wilen jouffr(ouwe) lijsbetten Ende dair teghen sullen de/ voirs(creven) capellanen en(de) gerardt geven ende betalen den voirs(creven)/ mathijse ende zijnen medeplege(re)n in ghereeden pe(n)ningen/ de so(m)me van viertich ryns guld(en) te tsestich pl(a)c(ken) tstuc eens/ Item dat alle de ande(re) goede voirs(creven) sullen met deser/ uutspraken volge(n) den voirs(creven) mathijse ende zijnen medeplege(re)n/ elcken nae dat hij d(air)inne nae recht ghericht is opden/ last en(de) co(m)mer dair voe(r) uutgaen(de) ende op nege(n) ryns/ guld(en) ende vie(r) mudd(en) corens erflijc voirg(eruert) Voirt is/ hue(r) uutsprake dat den coope(re)n van alsulcken goeden als/ de voirs(creven) [wijlen] jouffr(ouwe) lijsbeth in hue(re)n leven(e) vercocht mach hebben/ diversen p(er)sonen de guedinghen die zij d(air)af hebben van/ weerden sullen werden gehouden sonder dat de voirs(creven)/ p(ar)tien oft e(n)nich van hen hem d(air)toe e(n)nich recht sullen/ moege(n) vermeten It(em) dat thuys d(air) uut de voirs(creven) jouffr(ouwe)/ lijsbeth gestorven is desgelijcx alle de haeflike goede/ vliegen(de) erve [en(de)] sculden voir der voirs(creven) jouffr(ouwe) doot gevallen en(de)/ ande(re) beruerlike goede der voirs(creven) wilen jouffr(ouwe) lijsbette(n) hoedanich/ die zijn volghen ende bliven selen den voirs(creven) gerarde ende/ wilen hee(re)n arnde kijnen priest(er) nae formen vanden/ testame(n)te der voirs(creven) jouffr(ouwe) lijsbetten bij alsoe dat d(air)af/ betaelt sullen werden alle sculden kercrechte en(de) ande(re)/ die de voirs(creven) jouffr(ouwe) lijsbeth sculdich was alsoe dat den/ voirs(creven) mathijse ende sijnen medeplege(re)n de voirs(creven) goede/ hen aengeseet sullen van dien ombelast bliven Item/ alle de rinten vanden goeden die den voirs(creven) mathijse/ ende sijnen medeplege(re)n volgen sullen gevallen zijdert der/ doot vand(en) voirs(creven) jouffr(ouwe) lijsbette(n) tot op desen tijt gehaven/ oft ongehaven sullen comen te dueghdeliker rekeni(n)ghen/ tusschen de voirs(creven) p(ar)tien ende dair af salmen nemen de
//
pe(n)ningen vanden nege(n) ryns guld(en) nae advenant vand(en) tide/ dat de voirs(creven) jouffr(ouwe) lijsbeth aflivich worden is En(de) tsurplus/ sal dan volgen den voirs(creven) mathijse en(de) sijne(n) medeplege(re)n/ Item oft namaels bevonden worden meer goede dan voirscr(even)/ staen en(de) de voirs(creven) mathijs en(de) de zijne in hue(re)n eyssche/ ov(er)gegeve(n) hebben gebleve(n) nae de doot jouffr(ouwe) lijsbette(n) en(de)/ katlijne(n) wettige dochte(re)n der voirs(creven) jouffr(ouwe) lijsb(etten) dat die/ oic den voirs(creven) mathijse ende sijnen medeplege(re)n volge(n) sullen/ uutgenome(n) de voirs(creven) goede van meylem den voirs(creven) gerard(e)/ aengeseet en(de) de vercochte goede voirg(eruert) Ende uutgenome(n)/ de goede vercrege(n) oft van bezijden der voirs(creven) jouffr(ouwe) lijsb(etten)/ der moeder aengecome(n) dat die den voirs(creven) gerarde en(de) cappellane(n)/ volge(n) sullen ende mids desen sullen de voirs(creven) p(ar)tien van/ hue(re)n geschillen beslicht zijn behalven oft e(n)nighe/ donckerheyt dair inne gebuerde dat de voirs(creven) segge(re)n d(air)af/ hebben ende behouden selen bij ov(er)geven(e) van p(ar)tien/ altijt hue(r) int(er)pretacie Ende oft e(n)nich vand(en) p(ar)tien/ vand(en) ande(re)n van des in deser uutspraken begrepen is/ voirder vesticheyt hebben woude voir e(n)nige gherichten/ dat de ghene d(air)toe versocht sijnde dat doen sal moeten/ ten coste en(de) laste vanden ghenen diet versuect ende/ elcker p(ar)tien sullen volgen hue(r) brieve en(de) munimente(n)/ vand(en) goeden hue(r) aengeseet cor(am) vos heyckens maii xvii